Ólíklegt að viðlíka skriða hafi fallið á svæðinu í þúsundir ára
Sérfræðingar Veðurstofu Íslands viðurkenna að þeir engan vegin átt von á jafn stórri aurskriðu og féll á utanverðan Seyðisfjörð á föstudag. Engin ummerki hafi verið um slíkt. Enn er verið að meta ástand í hlíðinni ofan bæjarins. Undirbúningur er þegar hafin að vöktunarkerfi fyrir framtíðar.
Vonast til að hafa betri gögn um stöðuna síðdegis
Vera kann að rýmingu verði áfram viðhaldið á stóru svæði á Seyðisfirði undir Botnum. Enn er verið að meta líkurnar á frekari skriðuföllum á svæðinu.
Ekki óhætt að létta frekari rýmingu að sinni
Enn er verið að kanna og meta stöðugleika ofan við rýmd hús á Seyðisfirði auk þess sem unnið er að lagfæringu innviða. Á meðan sú vinna er í gangi þykir ekki óhætt að aflétta frekari rýmingu. Mat á rýmingarþörf er hinsvegar stöðugt í gangi. Næstu tilkynninga er að vænta milli klukkan 14 og 15 í dag.
Reyna að svara fyrirspurnum um tryggingar eins fljótt og kostur er
Starfsmenn Náttúruhamfaratryggingar Íslands (NTÍ) verða til viðtals austur á Seyðisfirði á morgun fyrir eigendur fasteigna sem orðið hafa fyrir tjóni í skriðuföllum þar síðustu viku. Forstjóri stofnunarinnar segir að reynt verði að leysa úr málunum eins fljótt og kostur er. Það veltur þó að hluta á hve hratt gengur að vinna nýtt hættumat og skipulag fyrir svæðið.
„Við munum fara í gegnum þetta saman“
Margrét María Sigurðardóttir, lögreglustjóri á Austurlandi, segir hug landsmanna allra vera hjá Seyðfirðingum. Hún segir alla vera reiðubúna að aðstoða Seyðfirðinga, jafnt nú sem í þeim verkefnum sem framundan eru en minnir þá að því að huga að sér og sínum.
„Þetta verður löng barátta“
Björgunarsveitarfólk á Seyðisfirði hefur litla hvíld fengið síðan skriðuföll byrjuðu í bænum síðasta þriðjudag. Gríðarlegt tjón varð svo á föstudag þegar stór skriða féll á utanverðan bæinn. Formaður björgunarsveitarinnar Ísólfs er þakklátur fyrir þann stuðnings sem fólk víða að hefur sýnt sveitinni og bæjarbúum.
Vonast til að geta hafið hreinsun í dag
Vonast er til að hægt verði að hefja hreinsunarstarf á Seyðisfirði í dag og að íbúar á skriðusvæðum geti vitjað húsa sinna. Framhaldið skýrist eftir stöðufund sem hefst klukkan tíu.
Boðað til íbúafundar á Eskifirði
Íbúafundur vegna skriðuhættu á Eskifirði verður haldinn á morgun, þriðjudaginn 22. desember, klukkan 18:00. Fundurinn verður sendur beint út á heimasíðu Fjarðabyggðar.
Húsasmiðjan styður íbúa Seyðisfjarðar
Húsasmiðjan afhenti í dag Rauða krossi Íslands í Múlasýslu tveggja milljóna króna styrk, í formi inneignar til að aðstoða þá íbúa Seyðisfjarðar sem mesta hjálp þurfa á að halda, með byggingavörur, eftir hamfarir síðustu daga.
Covid-smitaður ekki staðsettur á Austurlandi
Einstaklingur sem skráður er með Covid-19 smit á Austurlandi á upplýsingavefnum Covid.is, heldur ekki til í fjórðungnum.
