Covid-smitaður ekki staðsettur á Austurlandi
Einstaklingur sem skráður er með Covid-19 smit á Austurlandi á upplýsingavefnum Covid.is, heldur ekki til í fjórðungnum.Ekkert smit hefur greinst eystra frá 17. nóvember en í morgun brá svo við að einn einstaklingur var skráður í einangrun.
Samkvæmt upplýsingum frá aðgerðastjórn almannavarna er viðkomandi með lögheimili en staddur í öðrum landshluta og í einangrun þar.
Svona dæmi hafa nokkrum sinnum komið upp í faraldrinum og yfirleitt verið lagfærð í talnagögnunum daginn eftir. Enginn er í sóttkví eystra.
Sóttvarnayfirvöld hafa síðustu daga haft áhyggjur af stöðu mála á Seyðisfirði. Þar hefur vegna aðstæðna þurft að brjóta gegn sóttvarnareglum en minnt er á að viðhalda vörnum þar sem þess er kostur, einkum í margmenni.
Þá er mælst til þess að enginn komu austur án þess að fara í skimun fyrst. Ekkert smit fannst í skimun sem viðbragðsaðilar og fjölmiðlamenn sem komið höfðu á svæðið undirgengist í gær.
