Austurfrétt birtir í dag árlega samantekt á tekjum Austfirðinga. Listarnir byggjast á álagningarseðlum ríkisskattstjóra. Þeir eru birtir með fyrirvara um kærumál vegna útreikninga embættisins og prentvillur. Tekjurnar eru gefnar upp í krónum á mánuði.
Veitingastaðurinn Salt á Egilsstöðum, sem skemmdist í eldi á miðvikudagsmorgun, opnaði á ný í morgun tæpum tveimur sólarhringum eftir brunann. Framkvæmdastjórinn er þakklátur iðnaðarmönnum, starfsfólki og samfélaginu fyrir aðstoðina síðustu daga.
Spennuhækkun sem olli miklu tjóni á rafmagnstækjum á Austurlandi og straumleysi hefur verið rakin til veikrar byggðalínu sem var ekki í stakk búin þegar sveiflur urðu í kerfinu. Bilanir innan svæðis juku á vandræðin.
Nauðsynlegt er að efla geðheilbrigðisþjónustu á Austurlandi þannig að ung fólk finni að það geti leitað sér hjálpar á heimaslóðum. Þetta er meðal þess sem fram kemur í ályktunum frá ungmennaþingi sem haldið var nýverið á Fljótsdalshéraði.
Handverks- og hússtjórnarskólinn á Hallormsstað og mennta- og menningarmálaráðuneytið hafa náð samkomulagi um skólahald þar næsta vetur. Opnað var fyrir umsóknir um skólavist í morgun. Skólastjórinn segir ánægjulegt að hússtjórnarnámið fái tækifæri.
Starfsmenn í Miðvangi 2-4 á Egilsstöðum, þar sem eldur kom upp í gær, heyrðu margir hverjir ekki í brunakerfinu. Slökkvistjóri segir að athugasemdir hafi verið gerðar við að brunakerfi hússins séu ekki samtengd en ekkert sé ólöglegt við það.
Enginn teljandi meiðsli urðu á fólki þegar eldur kom upp í loftræstistokki út frá veitingastaðnum Salti í Miðvangi 2-4, svonefndri Kleinu á Egilsstöðum, um hálf ellefu í morgun. Slökkvistjóri segir erfitt hafa verið að ráða við eldinn.
Talsverður erill var hjá lögreglu seinni part aðfaranætur sunnudags í Neskaupstað þar sem tónlistarhátíðin Eistnaflug fór fram. Lögregla telur samt hátíðina hafa verið rólega þrátt fyrir mikla ölvun.
„Við vonumst til þess að geta hamlað útbreiðslu jurtarinnar og hindrað að hún nemi land á nýjum svæðum og þá helst í friðlöndunum okkar, Fólkvangi Neskaupstaðar og í Hólmanesinu,“ segir Anna Berg Samúelsdóttir, umhverfisstjóri Fjarðabyggðar um átak gegn lúpínu sem hafið er í sveitarfélaginu.
Hótelstjóri Öldunnar á Seyðisfirði segir ekkert athugavert við að koma upp ódýru húsnæði fyrir þá sem vilji búa út á landi í skemmri tíma. Margir atvinnurekendur hafa þurft að byggja undir starfsfólk sitt.
Vísbendingar eru um að ferðamenn séu farnir að halda að sér höndum í Íslandsheimsóknum með minni neyslu og styttri ferðum. Það sést meðal annars á nýtingu hótelherbergja á Austurlandi. Talsverður vöxtur er í vöruútflutningi, einkum álafurðum og frá fiskeldi.