Ársfundur Sjálfbærniverkefnisins verður haldinn í Skólamiðstöðinni á Fáskrúðsfirði, miðvikudaginn 6. maí milli klukkan 14:00 – 18:00. Sérstakt þema fundarins er efnahagsvísar Sjálfbærniverkefnisins og efnahagsmál.
Sigrún María Kristinsdóttir, nýdoktor hjá land- og ferðamálafræði við Háskóla Íslands og Almannavörnum, hefur rætt við Austfirðinga um upplifun þeirra af mengun frá eldgosinu í Holuhrauni. Hún segir áhugavert að kanna hvernig samfélagið bregðist við þegar upp komi vá sem maðurinn hafi lítið vald yfir.
Ekki verða breytingar á rekstri bankaútibúa á Breiðdalsvík og Djúpavogi þrátt fyrir að Landsbankinn hafi yfirtekið Sparisjóð Vestmannaeyja sem var þar áður með afgreiðslur.
„Nú þegar snjalltækin hafa snarbreytt fjarskiptanotkun margra geta nýjar þjónustuleiðir hentað mun betur en þær gömlu,“ segir Þorsteinn Jón Bjarkason sem er á leiðinni til Egilsstaða. 
Hin svokallaða yfirstétt hefur vakið stéttarvitund fólks á ný með því að stuðla að misskiptingu lífsgæða. Niðurstaðan er alvarlegustu vinnudeilur sem sést hafa árum saman. Þótt talað sé um þjóðarsátt sé unnið í hina áttina.
Starfsmenn Síldarvinnslunnar hafa í morgun unnið að því að landa kolmunna á Seyðisfirði þrátt fyrir að verkfallsboðun Starfsgreinasambandsins nái til þeirra. Samkvæmt heimildum Austurfréttar náðist samkomulag um störf þeirra áður en verkfall skall á klukkan tólf á hádegi.
Sýnilegustu áhrif hálfs dags verkfalls verkafólks á félagssvæði AFLs á morgun verða að líkindum á veitinga- og gististaðir. Formaður félagsins segist ekki bera miklar væntingar til samningafundar í fyrramálið.
Formaður Stjórnendafélags Austurlands segir ekkert hæft í ásökunum AFLs starfsgreinafélags um að 40 nýir félagsmenn hafi gengið í Stjórnendafélagið á aðalfundi þess um helgina til að grafa undan kjarabaráttu verkalýðshreyfingarinnar.
Verkfall starfsmanna undirverktaka á álverslóðinni í Reyðarfirði hefst á hádegi takist samningar ekki fyrir þann tíma. Samningafundur stendur yfir hjá ríkissáttasemjara en miklar líkur virðast á verkfalli þar sem mörgu er ólokið í samningagerðinni.Verkfallsaðgerðir Starfgreinasambandsins hófust kl. 12 í dag og hafa um 10.000 manns lagt niður vinnu. Verkfallið mun standa yfir í hálfan sólarhring, frá hádegi til miðnættis. Eftir það taka við regluleg sólarhringsverkföll þar til ótímabundið verkfall hefst 26. maí.
Íbúar, sem tóku til máls á íbúafundi á Reyðarfirði þar sem kynnt var skýrsla KPMG um mögulegar hagræðingaraðgerðir í rekstri sveitarfélagsins Fjarðabyggðar, virtust efins um hugmyndir um að selja veitustofnanir sveitarfélagsins. Sérfræðingur segir menn þurfa að bera saman haginn af því að fá sölutekjur strax eða virði í framtíðinni í formi arðs.
Heilbrigðisnefnd Austurlands hefur hafnað erindi um að selja gistingu í húsnæði sem áður tilheyrði Alþýðuskólanum á Eiðum. Fráveitumál teljast ekki í ásættanlegu ástandi.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.