Höfnuðu óskum um gististað á Eiðum
Heilbrigðisnefnd Austurlands hefur hafnað erindi um að selja gistingu í húsnæði sem áður tilheyrði Alþýðuskólanum á Eiðum. Fráveitumál teljast ekki í ásættanlegu ástandi.Þetta kemur fram í nýjustu fundargerð nefndarinnar ern þar segir að staðarhaldari hafi sótt um að mega selja gistingu í 18 tveggja manna herbergjum í húsnæði Stóruþinghár ehf. Erindi hans hafi fylgt upplýsingar um að rotþró yrði tæmd á þriggja vikna fresti.
Sumarið 2011 mældist óeðlilega mikil gerlamengun í Eiðalæk sem rennur út í Eiðavatn. Það var í annað sinn sem athugasemdir voru gerðar við slíka mengun en sýni úr læknum árið 2006 reyndust illa menguð.
Í byrjun árs 2012 bókaði nefndin að ekki yrðu gefin út starfsleyfi fyrir samfellda starfsemi í húsnæði fyrrum Alþýðuskólans með miklu álagi á fráveitukerfið fyrr en þau mál verði komin í viðunandi horf.
Hótel Edda hætti í kjölfarið rekstri sumarhótels á staðnum en heimamenn seldu gistingu sem var smærri að umfangi en áður.
Í frétt RÚV frá því fyrr í mánuðinum er haft eftir Sigurjóni Sighvatssyni, aðaleiganda Stóruþinghár ehf. að rekstri Edduhótelsins hafi meðal annars verið hafnað því ekki samdist um þátttöku hótelkeðjunnar í lagfæringu húsnæðisins á Eiðum.
Um 20 milljónir kosti að lagfæra fráveituna og farið hefði verið í þær framkvæmdir ef Edda hefði endurnýjað samninginn.
Heilbrigðisnefndin hafnar erindinu um ósk um gistireksturinn á Eiðum þar sem hann yrði viðbót við það mengunarálag sem þegar sé á Eiðalæk. Þá sé flutningur á skólpi ekki ásættanleg lausn.
Eins og Austurfrétt greindi frá fyrir skemmstu hafa átt sér viðræður um samstarf milli Sigurjóns og Hildibrand-hótela um framtíð Eiða.
Í byrjun árs 2012 bókaði nefndin að ekki yrðu gefin út starfsleyfi fyrir samfellda starfsemi í húsnæði fyrrum Alþýðuskólans með miklu álagi á fráveitukerfið fyrr en þau mál verði komin í viðunandi horf.
Hótel Edda hætti í kjölfarið rekstri sumarhótels á staðnum en heimamenn seldu gistingu sem var smærri að umfangi en áður.
Í frétt RÚV frá því fyrr í mánuðinum er haft eftir Sigurjóni Sighvatssyni, aðaleiganda Stóruþinghár ehf. að rekstri Edduhótelsins hafi meðal annars verið hafnað því ekki samdist um þátttöku hótelkeðjunnar í lagfæringu húsnæðisins á Eiðum.
Um 20 milljónir kosti að lagfæra fráveituna og farið hefði verið í þær framkvæmdir ef Edda hefði endurnýjað samninginn.
Heilbrigðisnefndin hafnar erindinu um ósk um gistireksturinn á Eiðum þar sem hann yrði viðbót við það mengunarálag sem þegar sé á Eiðalæk. Þá sé flutningur á skólpi ekki ásættanleg lausn.
Eins og Austurfrétt greindi frá fyrir skemmstu hafa átt sér viðræður um samstarf milli Sigurjóns og Hildibrand-hótela um framtíð Eiða.