Lögregluþjónn, sem íbúi á Eskifirði sakar um einelti og ósæmilega hegðun, segir málið hafa reynt mjög á fjölskyldu sína. Íbúinn var ákærður fyrir meiðyrði í kjölfar opinnar færslu sem hann birti á Facebook í maí 2013.
Ríflega 82% þeirra sem greiddu atkvæði í verkfallsboðun verslunarmannadeildar AFLs samþykktu verkfallsboðun. Verkfallið er boðað í samræmi við verkfall VR og fleiri félaga.
Unnar Geir Unnarsson, leikari, hefur verið ráðinn forstöðumaður Menningarmiðstöðvar Fljótsdalshéraðs. Þrettán sóttu um stöðuna en sex drógu umsókn sína til baka.
Ferðalangar á leið yfir Öxi snéru við eftir að hafa ekið fram á risastóran poll þegar komið var upp á háheiðina Berufjarðarmegin frá í kvöld. Leysingavatn hafði safnast saman á veginum sem þó var merktur greiðfær.
Íbúi á Eskifirði er ákærður fyrir meiðyrði gagnvart lögregluþjóni í bænum sem hann segir hafa lagt ákveðna einstaklinga í einelti og sent unglingsstúlkum kynferðisleg skilaboð. Sakborningur lagði sig fram um að færa sönnur á fullyrðingar sínar í dómssal í gær. 
Ísfisktogararnir Bjartur NK og Gullver NS hafa fiskað vel að undanförnu og hafa þeir komið með góðan fisk að landi sem hentar vel til vinnslu.
Bæjarráð Fjarðabyggðar leggur til að skólahald á Stöðvarfirði og Fáskrúðsfirði verði sameinað frá og með næsta hausti. Starfsstöðvar verði á báðum stöðunum.
Fyrsta skemmtiferðaskip sumarsins, hið þýska MS Amadea, lagðist að bryggju á Seyðisfirði í gærmorgun. Skemmtiferðaskipakomur hafa aldrei verið tíðari til Austurlands en í ár.
Á Egilsstöðum var í gærkvöldi skrifað undir samstarfssamning við Jón Björnsson um að taka að sér framkvæmdastjórn fyrir Fjórðungsmót hestamanna á Austurlandi árið 2015 sem haldið verður í Stekkhólma á Fljótsdalshéraði 2.-5. júlí næstkomandi. Fjórðungsmót Austurlands er stærsti og elsti reglulegi viðburðurinn í hestamennsku á svæðinu og er haldið á fjögurra ára fresti.
Kannabisfylltur gervilimur fannst á bryggjunni á Seyðisfirði í morgun, eftir að tollafgreiðslu úr farþegaferjunni Norrænu var lokið. Starfsmenn á bryggjunni veittu gervilimnum athygli og fóru með hann inn á borð til tollayfirvalda. Þetta kom fyrst fram á vef RÚV.
Í samtali við Austurfrétt sagði Árni Elísson, tollvörður á Seyðisfirði, að starfmenn hafnarinnar hefðu skemmt sér vel yfir þessum fundi og afhent gerviliminn með bros á vör. Fljótlega hafi þó fíkniefnahundur tollgæslunnar sýnt limnum mikinn áhuga og við nánari skoðun hafi komið í ljós að inni í limnum voru falin 8 grömm af kannabisefnum.
Grunur leikur á að limnum hafi verið hent út úr bifreið áður en komið var að tollaeftirliti og telur Árni að þeir sem þarna voru að verki hafi ekki þorað að fara með efnin í gegnum tollinn.
Gervilimurinn, sem er að sögn Árna ekki rafknúinn heldur handknúinn, hefur verið færður lögreglunni á Eskifirði til nánari rannsóknar.
Með ferjunni í morgun komu um 600 farþegar og níutíu farartæki. Tollafgreiðsla gekk að öðru leyti ágætlega fyrir sig. Þó er alltaf eitthvað um að matvæli og áfengi finnist í farangri farþega, sem gera sér ef til vill ekki grein fyrir því að hingað til lands má ekki flytja þýskar pylsur.
Landsbankinn vinnur nú að síðustu skrefum sameiningu við Sparisjóð Vestmannaeyja sem felur það meðal annars í sér að bankinn yfirtekur fyrrum útibú á Djúpavogi og Breiðdalsvík. Ný númer útibúanna voru kynnt fyrir helgi.
Búið er að flytja inn í Dyngju, nýtt hjúkrunarheimili á Egilsstöðum sem opnað var í mars um mánuði síðar en áætlað var. Unnið er að ráðstöfun þess húsnæðis sem áður var notað undir hjúkrunarrými aldraðra.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.