Baldur Kjartansson hefur verið ráðinn sem nýr skrifstofustjóri hjá Vopnafjarðarhreppi og hóf hann störf í gær, þriðjudaginn 7. apríl. Baldur starfaði áralangt Landsbankanum og þar áður hjá póstinum.
Menntaskólinn á Egilsstöðum er fyrsti íslenski framhaldsskólinn sem býður upp á listnámsbraut til stúdentsprófs. Mennta- og menningarmálaráðuneytið staðfesti nýverið formlega að listnámsbraut skólans uppfyllti skilyrði aðalnámskrár sem fullgild námsleið til stúdentsprófs.
Um 350 farþegar komu með Norrænu til Seyðisfjarðar í morgun í fyrstu farþegaferð ársins. Ferjan er fyrr á ferðinni en áður og fleiri með í fyrstu ferð en áður.
Skiptastjóri þrotahús Nausta hf. í Neskaupstað lauk nýverið skiptum á búinu, 22 árum eftir að fyrirtækið var úrskurðað gjaldþrota. Ekkert kom upp í lýstar kröfur.
Starfsmenn hjá undirverktökum á álverssvæðinu í Reyðarfirði leggja niður vinnu eftir rúma viku ef ekki verður skrifað undir nýja kjarasamninga. Verkfallsboðunin var samþykkt með miklum yfirburðum.
Stjórn Fjarðabyggðarhafna samþykkti á fundi sínum í gær að festa kaup á farþegaferju. Austurfrétt hefur það eftir heimildarmanni sínum að ferjan verður afhent í vor og að rekstur hennar verði boðinn út á evrópska efnahagssvæðinu.
Héraðsdómur Austurlands hefur dæmt sextugan karlmann í 30 daga skilorðsbundið fangelsi fyrir að falsa undirskrift sjálfskuldarábyrgðarmanns á skuldabréfi og fjarlægja lausamuni úr bát eftir að hann var seldur á uppboði.
Minjastofnun Íslands úthlutaði nýverið 24 milljónum króna úr húsafriðunarsjóði til 42 verkefna á Austurlandi. Hæstu styrkurinn, 1,5 milljón króna, fer til gömlu kirkjunnar á Djúpavogi.
Áætlað er að heildarkostnaður við að leggja ljósleiðara heim að hverju íbúðarhúsi í sveitarfélaginu Fljótsdalshéraði sé rúmur hálfur milljarður króna og að verkið taki fimm ár. Annar möguleiki er að koma upp þráðlausum sendum fyrir brot af kostnaðinum og á mun skemmri tíma.
Ríkisstjórnin hefur að tillögu forsætisráðherra samþykkt að skipa starfshóp sem fær það hlutverk að kanna hvernig koma megi á reglulegu millilandaflugi um flugvellina á Akureyri og Egilsstöðum.
Ekkert hefur enn verið ákveðið um framtíð útibúa Sparisjóðs Vestmannaeyja á Breiðdalsvík og Djúpavogi eftir að Landsbankinn yfirtók sjóðinn í gær eftir áhlaup innistæðueigenda.