Þungarokkshátíðin Eistnaflug hefst á Norðfiðri í kvöld en fyrstu gestirnir mættu á svæðið á mánudag. Eftir erfitt ár í fyrra veltur framtíð hátíðarinnar á aðsókninni í ár. Framkvæmdastjórinn, sem jafnframt er nýráðinn bæjarstjóri í Fjarðabyggð, er bjartsýnn enda sól í heiði.
Hæsti meðalhiti á landinu í nýliðnum júnímánuði var á Hallormsstað. Mánuðurinn var sá næst heitasti sem mælst hefur á Dalatanga í 80 ára sögu veðurathugana þar.
Frystitogarinn Blængur NK kom til heimahafnar í Neskaupstað á sunnudagskvöld eftir að hafa verið í veiðum í Barentshafi frá því í lok apríl. Skipið með 500 tonn af frystum afurðum sem metnar eru á um 380 milljónir króna og mun vera verðmætasti farmur sem fiskiskip frá Norðfirði hefur komið með að landi.
Alþjóðlegi sönghópurinn Olga Vocal Ensemble heldur þrenna tónleika á Austurlandi á næstu dögum. Tónleikarnir bera yfirskriftina „It‘s a Woman‘s World“ og fagnar listakonum síðustu 1000 ára, líkt og samnefnd plata hópsins sem kom út í byrjun sumars.
TF-Sýn, þyrla Landhelgisgæslunnar, bjargaði sjómanni eftir að eldur kom upp í báti hans á Héraðsflóa á þriðja tímanum í dag. Sjómaðurinn er við góða heilsu eftir atvikið.
Karl Óttar Pétursson, lögmaður hjá Arion banka, hefur verið ráðinn nýr bæjarstjóri í Fjarðabyggð. Frá ráðningunni var gengið á fundi bæjarráðs í morgun.
Umhverfisstofnun hefur gefið út nýtt starfsleyfi starfsleyfi til handa Fiskeldi Austfjarða til að ala 3000 tonn af regnbogasilungi á ári í Fáskrúðsfirði.
Byggingar að Stöð í Stöðvarfirði, sem taldar eru vera frá því fyrir landnám, eru stærri en áður var haldið. Efniviður virðist vera þar til rannsókna tíu ár til viðbótar.
Sverrir Mar Albertsson, framkvæmdastjóri AFLs starfsgreinafélags, hefur lýst yfir framboði til formanns Alþýðusambands Íslands. Núverandi formaður, Gylfi Arnbjörnsson, gaf nýverið út að hann sæktist ekki eftir endurkjöri á þingi sambandsins í haust.
Níu umsóknir bárust um stöðu bæjarstjóra Fjarðabyggðar en sjö standa eftir þar sem tvær umsóknir voru dregnar til baka. Engin kona er meðal umsækjenda.