Matvælastofnun telur að dýralæknaþjónusta eigi að vera vel tryggð á Austurlandi þrátt fyrir breytingar sem urðu á vaktsvæðum dýralækna í lok síðasta árs.
Staðfest hefur verið að tíu af nítján manna áhöfn flutningaskipsins Taurus Confidence, sem lagðist að bryggju í Mjóeyrarhöfn í gær, eru með Covid-19 veiruna. Ekki er talin hætta á að smit dreifist út frá skipinu.
Ekki hefur orðið vart við veikindi meðal nemenda eða kennarar í Nesskóla þar sem mygla var staðfest í morgun. Sýni voru tekin eftir ábendingu. Viðgerðir hefjast á mánudag.
Enginn þeirra tíu skipverja flutningsskipsins Taurus Confidence, sem greinst hafa með Covid-19 veiruna, eru alvarlega veikir. Vel er fylgst með gangi mála um borð.
Nemendur á elsta stigi Nesskóla voru sendir heim í morgun eftir að mygla fannst í norðurhluta skólahúsnæðisins. Viðgerðir á svæðinu hefjast strax á mánudag. Ekki er talið að mygla sé á fleiri stöðum í húsinu.
Fólksfjölgun í Múlaþingi á síðasta ári var 2% sem er nokkuð yfir landsmeðaltalinu sem hljóðar upp á 1,3%. Hvað Austurland í heild varðar var fólksfjölgunin aðeins undir meðaltalinu eða 1%.
Hreyfingar hefur orðið vart ofarlega í sári stóru skriðunnar sem féll á Seyðisfjörð 18. desember síðastliðinn. Ekki er talin hætta í byggð en varað er við ferðum fótgangandi í hlíðinni undir skriðunni.
Loðnuvertíðin, sem nú er lokið, var kærkomin vítamínsprauta inn í íslenskt efnahagslíf eftir doða COVID vetrarins. Þótt útgefinn kvóti hafi verið með þeim minnstu í sögunni er verðmæti hans fyrir þjóðarbúið þrefalt á við árið 2018 þegar síðast var veidd loðna við Ísland.
Hótel Valaskjalf hefur verið opnað um allar helgar með tilboðum í mat og afþreyingu. Samhliða því verður veitingastaðurinn Glóð opinn fimmtudag til laugardaga frá kl. 18 til kl. 20 og Ölstofan verður opin sömu daga frá kl. 17 til kl. 23.