Úrskurðarnefnd umhverfis- og auðlindamála hefur hafnað kröfu náttúruverndarsamtaka um að fresta áhrifum ákvörðunar Skipulagsstofnunar um að breyting á staðsetningu eldiskvía Fiskeldis Austfjarða í Fáskrúðsfirði verði frestað.
Velferðarnefnd Alþingis hefur áhyggjur af þeirri stöðu sem upp er komin við yfirfærslu hjúkrunarheimila í Fjarðabyggð og víðar frá sveitarfélögum til ríkisins og vill tryggja stöðu starfsfólks. Nefndin er reiðubúin að skoða lagasetningu til greiða úr hlutunum.
„Það ríkir alger óvissa hjá okkur og það er mjög taugatrekkjandi að fylgjast með þessu þar sem enginn hefur talað við okkur enn,“ segir Jórunn Louise Bragadóttir trúnaðarmaður AFL Starfsgreinafélags í hjúkrunarheimilinu Hulduhlíð á Eskifirði.
Valið verður í efstu sætin á lista Sjálfstæðisflokksins í Norðausturkjördæmi fyrir komandi þingkosningar með prófkjöri í lok maí. Tveir hafa þegar gefið kost á sér í oddvitasætið.
Vegna starfsdags starfsfólks á skrifstofum Múlaþings, fimmtudaginn 18. mars, verða skrifstofurnar á Borgarfirði, Djúpavogi, Fljótsdalshéraði og Seyðisfirði lokaðar þennan dag.
Breytingar á svæðaskiptingu þjónustudýralækna á Austurlandi um síðustu áramót hafa leitt til þess að þau hafa stækkað og fækkað á bakvöktum. Þingmaður segir nauðsynlegt að horft sé á landfræðilegar staðreyndir og dýravelferð þegar þjónustusvæði eru skilgreind.
Gauti Jóhannesson oddviti Sjálfstæðisflokksins í Múlaþingi hefur ákveðið að bjóða sig fram til að leiða lista Sjálfstæðisflokksins í Norðausturkjördæmi vegna kosninga til Alþingis sem fram fara 25. september.
Verið er að ljúka við að bólusetja að fullu alla Austfirðinga yfir áttræðu í þessari viku gegn Covid-19 veirunni. Alls hafa 11,4% íbúa á svæðinu fengið bólusetningu.
Bæjarstjórn Fjarðabyggðar samþykkti á síðasta fundi sínum heimild til að taka 200 milljóna króna lán til að fjármagna framkvæmdir. Meirihlutinn segir lánið nauðsynlegt til að tryggja sjóðsstreymi á meðan mikið sé um framkvæmdir en minnihlutinn er ekki á sama máli.
Söfnunin fyrir Tækniminjasafnið á Seyðisfirði á Karolina Fund náði takmarki sínu fyrir miðnættið í gærkvöldi. Þá voru 23.000 evrur eða 3,5 milljónir kr. komnar í hús en stefnt var að þeirri upphæð.