Öxi opnuð í lok dags
Stefnt er á að opna fyrir umferð um veginn yfir Öxi síðar í dag. Starfsmenn Vegagerðarinnar hafa unnið að opnun vegarins í dag.Samkvæmt upplýsingum frá Vegagerðinni ætti vegurinn að verða fær fyrir bíla búna til vetraraksturs í dag. Staðan skýrist nánar á næstu klukkutímum.
Búið er að moka veginn yfir heiðina, en nokkur svell eru á leiðinni sem rífa þarf upp.
Breiðdalsheiði var opnuð í morgun en þar eru hálkublettir.