Leikfélag Fljótsdalshéraðs frumsýnir í kvöld gamanleikritið Einn koss enn og ég segi ekki orð við Jónatan eftir Marc Camoletti sem samdi til að mynda leikritið Sex í sveit. Leikstjórar verksins segjast sjaldan hafa unnið með jafn hláturmildum hópi leikhúsfólks.
Landinn, nýr frétta- og þjóðlífsþáttur Ríkisútvarpsins, fer í loftið í
kvöld. Þar verða fluttar fréttir og sagðar sögur af fólkinu í landinu.Meðal efnis í kvöld er fréttaskýring Rúnars Snæs Reynissonar um fólksflutninga af landsbyggðinni.
Ljóðaklúbburinn Hási Kisi og fleiri ljóðskáld á og af Héraði standa fyrir ljóðaviðburðinum „Fullt hús skálda“ í Sláturhúsinu á Egilsstöðum í kvöld. Kvöldið verður óvenjulegt að því leyti að skáldin munu ekki lesa hvort á eftir öðru heldur verður þeim dreift um húsið og það er hlutverk gesta að finna og hlýða á þau hvert fyrir sig.
Dans- og tónverk sem listamennirnir Megan Harrold og Charlie Rauh hafa
unnið að síðustu vikur í gestaíðbúðinni á Skriðuklaustri verður
frumflutt í Snæfellsstofu á morgun.
Einn fremsti píanóleikari Íslendinga, Víkingur Heiðar Ólafsson, verður
með tónleika í Kirkju- og menningarmiðstöðinni í Fjarðabyggð í dag. Þar
spilar hann verk eftir Bach, Chopin auk eigin útsetningar á íslenskum
sönglögum. Tónleikarnir hefjast klukkan 16:30.
Myndbandið við lag Jóns Bjarka Stefánssonar "Nú er ég kominn heim" hefur hlotið þó nokkra athygli á vefnum. Myndbandið, við lagið sem sigraði í Sönglagakeppni Ormsteitis, segir í léttum dúr frá manni sem kemur heim í Egilsstaði. Myndbandið má sjá hér.