Listahátíðin Æringur opnar í Salthúsinu á Stöðvarfirði í dag. Listamenn
frá gallerí Crymo í Reykjavík taka þátt í hátíðinni ásamt öðrum
listamönnum. Marmkið hátíðarinnar er að gefa listamönnum tækifæri til að
vinna verk í nýju umhverfi í samstarfi við heimamenn.
Hljóðbókin með ævisögu Önnu á Hesteyri, "Ég hef nú sjaldan verið algild" er nú aðgengileg á heimasíðunni gogoyoko.com Hljóðbókin var gefin út árið 2009 af fyrirtækinu Sagnabrunni ehf, sem er í eigu höfundar, Rannveigar Þórhallsdóttur.
Tónlistastundir á Héraði halda áfram á fimmtudag 1. júli í Egilsstaðakirhju og sunnudag 4. júli í Vallaneskirkju. Góð aðsókn var að fyrstu tónlistastundunum sem voru viku fyrr á sömu stöðum.
Skálanessetur við Seyðisfjörð stendur fyrir fyrirlestri á Hótel Öldunni í dag klukkan 10:00-12:00, þar sem breskir og skoskir sérfræðingar í varðveislu menningararfsins kynna starfsemi setra og fyrirtækja.
Hinn árlegi Skógardagur sem nefndur hefur verið hinn mikli, verður haldinn að venju í Mörkinni í Hallormsstaðaskógi nú um helgina, þar sem allir eru velkomnir að njóta skemmtunar í skóginum.
Af og til berast skemmtilegar sendingar til Cafe Sumarlínu á Fáskrúðsfirði. Nýlega barst þangað bók sem ber það skemmtilga nafn Útsala, en hún er í dagbókarformi skrifuð af ungu fólki frá Frakklandi, Cécile og Fred um ferð þeirra um Ísland sumarið 2008.
Þann 17. júní síðastliðinn fékk félagsforingi Skátafélags Héraðsbúa, Þórdís Kristvinsdóttir, viðurkenningu úr þjóðhátíðarsjóði Rótarýklúbbsins á Egilsstöðum fyrir framúrskarandi störf að æskulýðsmálum og endurvakningu skátastarfs á Fjótsdalshéraði.
Nú stendur yfir á Borgarfirði eystri Útivistar og menningarhelgin ,,Helgi á göngu", sem er samstarfsverkefni Ungmennafélags Borgarfjarðar, Ungmennafélags Íslands og Ungmenna og íþróttasambands Austurlands.