Um helgina er boðið til samfélagsþings í Fljótsdal. Gunnþórunn Ingólfsdóttir oddviti Fljótsdalshrepps segir þingið vera hluta af stærra samfélagsverkefni til að efla byggð og samfélag í Fljótsdal „Þingið sjálft er helgað framtíðinni og hvert skuli stefna.“
Nemendur í Menntaskólanum á Egilsstöðum höfðu frumvæði að loftslagsmótmælum sem fram fóru á lóð skólans í hádeginu. Mótmælin eru hluti af alþjóðlegri hreyfingu til að þrýsta á aðgerðir til að hægja á loftslagsbreytingum.
Flugvöllurinn á Egilsstöðum er meðal þeirra flugvalla sem hafa minnsta möguleika á alþjóðlegum tengingum. Aðgangur að flugtengingum er forsenda fyrir dreifingu ferðamanna.
Framkvæmdastjóri þýska hafnafyrirtækisins Bremenports segist hafa mikla trú á framgangi stórskipahafnar í Finnafirði. Áfangasigur sé unnin með samningum sem undirritaðir voru um verkefnið á fimmtudag.
Tveir umsækjendur eru um stöðu skólastjóra á Eskifirði sem er laus frá upphafi næsta skólaárs. Umsóknarfrestur í tveimur öðrum austfirskum grunnskólum hefur verið framlengdur.
Austfirðingar hafa tekið vel í viðamikla rannsókn sem stendur yfir á byggðafestu og búferlaflutningum. Vonir standa til að hún gefi skýrari mynd hvað heldur í fólk á minni stöðum og styðji þannig við stefnumótun og aðgerðir í byggðamálum.
Starfshópur um íþróttir og tómstundir á vegum samstarfsnefndar um sameiningu fjögurra sveitarfélaga á Austurlandi telur bættar samgöngur forsendu fyrir öflugu félagsstarfi. Íbúar þurfi að hafa aðgang að tómstundum víðar en bara í sinni heimabyggð.
Sveitarstjóri Vopnafjarðarhrepps segir undirritun samninga um stofnun tveggja félaga sem tengjast mögulegri stórskipahöfn í Finnafirði þýða að hægt verði að búa til áætlanir sem byggja á að höfnin verði að veruleika. Talsmenn hrepps og Langanesbyggðar fögnuðu undirrituninni á fimmtudag.
Sóttvarnalæknir telur ekki rétt að lögleiða það að börn skuli færð til bólusetningar gegn farsjúkdómum á borð við mislinga. Áhrifaríkara sé að bæta eftirlit með bólusetningum.
Guðfinna Harpa Árnadóttir, bóndi á Straumi í Hróarstungu á Fljótsdalshéraði, var á föstudag kjörin formaður Landssambands sauðfjárbænda. Hún vonast til að bjartari tímar séu framundan í sauðfjárrækt þar sem ýmislegt hafi áunnist á síðustu mánuðum