Heimastjórn Borgarfjarðar fer þess á leit við sveitarstjórn Múlaþings að unnið verði að lokun svokallaðs Skáps fyrir togveiðum. Á þessu svæði geta togarar veitt alveg upp að 6 mílna mörkum fyrir utan þorpið. Togveiðar þarna séu ógn við kjarnastarfsemi brothættrar byggðar.
Alls eru 37 einstaklingar í sóttkví í kjölfar Covid-19 smits sem greindist á Austurlandi í gær. Vonast er til að með aðgerðum hafi verið dregið verulega úr líkum á útbreiðslu smits. Enn er óljóst hvernig einstaklingurinn smitaðist. Íbúar þurfa að fara með sérstakri gát meðan það er óstaðfest.
Covid-19 smit hefur verið staðfest á Austurland hjá einstaklingi sem tengist grunnskólunum í Fellabæ og Egilsstöðum. Skólahaldi hefur verið aflýst á báðum stöðum á morgun vegna þessa.
Bílstjórar sem keyra fyrir Sæti hópferðir, fyrirtækið sem sér um skólaakstur á Fljótsdalshéraði, eru nær allir komnir í sjálfskipaða sóttkví eftir að skólabílstjóri fyrirtækisins greindist með Covid-19 smit í gær. Framkvæmdastjóri fyrirtækisins segir starfsmenn þess hafa lagt sig fram í sóttvörnum og vonast til að íbúar sýni erfiðum aðstæðum skilning.
Íbúar á Seyðisfirði hafa hrundið af stað undirskriftasöfnun til að mótmæla áformum um fiskeldi í firðinum. Forsprakki söfnunarinnar hefur áhyggjur af lífríki fjarðarins og ásýnd og telur samráð skorta um áformin.
Sveitarstjórn Fljótsdalshrepps er ósátt við að Framkvæmdasjóður ferðamannastaða hefur ítrekað hafnað aðkomu að byggingu á þjónustuhúsi við Hengifoss. Finna þurfi lausn á málinu áður en ferðamannastraumur vex að nýju.
Framkvæmdastjóri Fiskeldis Austfjarða segir fyrirtækið vonast eftir góðu samstarfi við íbúa Seyðisfjarðar um fyrirhugað eldi fyrirtækisins í firðinum. Íbúar hafa hrundið af stað undirskrifasöfnun til að mótmæla eldinu.
Börn, sem fóru með skólabíl úr Eiða- og Hjaltastaðaþinghám í lok síðustu viku, eru komin í sóttkví eftir að bílstjóri þeirra greindist með Covid-19 smit. Litlar líkur eru taldar á að börnin hafi smitast af bílstjóranum.
Aðgerðastjórn almannavarnanefndar á Austurlandi hefur ákveðið að senda framvegis frá sér tilkynningar tvisvar í viku um stöðu Covid-19 faraldursins á svæðinu.