Marel hefur sett upp nýtt vinnslukerfi hjá Búlandstindi á Djúpavogi. Um mjög öflugt kerfi er að ræða sem getur afkastað allt að 20 kössum af laxafurðum á mínútu á tveimur vinnslulínum.
Aftur er gul veðurviðvörun á Austurlandi að Glettingi og Austfjörðum frá síðdegi í dag. Raunar er gul veðurviðvörun um allt landið nema vesturhluta þess.
Bílar fastir á Fagradal, fok á lausamunum, tré rifnaði upp frá rótum og bátur losnaði frá bryggju. Það voru miklar annir hjá björgunarsveitum víða á Austurlandi í dag.
Umferðin á Hringveginum á Austurlandi minnkaði um tæp 37% í október miðað við sama mánuð í fyrra. Er þetta mesti samdráttur milli ára í sögunni á Austurlandi. Á landsvísu minnkaði umferðin um Hringveginn um 21,5% milli ára í október sem er einnig samdráttarmet og þrefalt meira en fyrra met milli áranna 2010 og 2011.
Heilbrigðisráðherra hefur ákveðið að tryggja Heilbrigðisstofnun Austurlands (HSA) varanlegt aukið fjármagn til að tryggja áframhaldandi þjónustu sérgreinalækna við íbúa umdæmisins með samningum við Sjúkrahúsið á Akureyri og Landspítala.
Austfirðingar, með einkenni Covid-19 smits, geta nú pantað tíma í sýnatöku í gegnum vefinn Heilsuvera.is. Um leið og tími hefur verið pantaður er viðkomandi einstaklingur sjálfkrafa kominn í sóttkví.
Austfirðingur, sem búið hefur í Vínarborg í hátt í áratug, segir lögregluna hafa brugðist skjótt við eftir hryðjuverkaárás í miðborginni í gærkvöldi. Sjálfur býr hann þó töluvert frá því svæði sem skotárásirnar áttu sér stað.
Að jafnaði voru tekin 10-15 sýni vegna Covid-19 á hverjum degi októbermánaðar á Austurlandi. Íbúar hafa farið að fyrirmælum um að halda sig heima finni það fyrir einkennum.
Hrun í sértekjum hjá Vatnajökulsþjóðgarði mun skapa mikla fjárhagserfiðleika í rekstri hans á næsta ári ef ekkert verður að gert. Um 200 milljónir kr. vantar upp á til að rekstur þjóðgarðsins verði með eðlilegu móti.
Bæjarráð Fjarðabyggðar mótmælir því að Matvælastofnun (MAST) hyggist staðsetja sérfræðing í fiskeldi á Egilsstöðum þar sem ekkert eldi er stundað. Forstjóri stofnunarinnar segir betra að hafa fleiri starfsmenn stofnunarinnar á sama stað. Aðrir kostir séu þó ekki útilokaðir.