Búið er að virkja jólasjóð Fjarðabyggðar. Um er að ræða hefð sem skapast hefur á undanförnum árum þar sem ýmis samtök, félög og kirkjan standa saman að fjársöfnun til handa þeirra sem þurfa aðstoð fyrir jólin.
Þeim sem eru í sóttkví eftir að Covid-19 smit greindist á Austurlandi á þriðjudag hefur fækkað verulega. Sýni voru tekin úr yfir 30 manns í gær og reyndust öll neikvæð.
Nær allir þeir sem fóru í sóttkví eftir að Covid-19 smit kom upp á Austurlandi á þriðjudag, fóru í sýnatöku í morgun. Niðurstöðu hennar er að vænta seint í kvöld. Þangað til verða einstaklingarnir í sóttkví.
Ekki hafa greinst fleiri Covid-19 smit á Austurlandi í kjölfar þess að einstaklingur á Fljótsdalshéraði greindist með veiruna á þriðjudag. Aðgerðastjórn almannavarnanefndar Austurlands vonast til þess að búið sé að ná utan um smitið þótt upprunni þess sé enn ókunnur.
Vel yfir 200 íbúar á Seyðisfirði hafa ritað undir áskorun um að hætt verði við áform um laxeldi í firðinum. Skoðanakönnun á netinu sýnir einnig að stór hluti íbúa Seyðisfjarðar er andvígur laxeldinu.
Erfiðari mál eru farin að berast inn á borð hjá félagsþjónustu austfirskra sveitarfélaga og öðrum sem annast sálgæslu og andlegan stuðning á svæðinu. Ljóst er að þreytu er farið að gæta í fjórðungnum þótt Austfirðingar hafi að mörgu leyti sloppið vel í Covid-19 faraldrinum.
Heimastjórn Borgarfjarðar fer þess á leit við sveitarstjórn Múlaþings að unnið verði að lokun svokallaðs Skáps fyrir togveiðum. Á þessu svæði geta togarar veitt alveg upp að 6 mílna mörkum fyrir utan þorpið. Togveiðar þarna séu ógn við kjarnastarfsemi brothættrar byggðar.
Hjálmar með plasthlífum án grímu veita ekki þá vörn gegn dreifingu Covid-19 sem þörf er á. Aðgerðastjórn almannavarnanefndar Austurlands hvetur íbúa til að vera meðvitaða um mikilvægi grímunotkunar.
Bílstjórar sem keyra fyrir Sæti hópferðir, fyrirtækið sem sér um skólaakstur á Fljótsdalshéraði, eru nær allir komnir í sjálfskipaða sóttkví eftir að skólabílstjóri fyrirtækisins greindist með Covid-19 smit í gær. Framkvæmdastjóri fyrirtækisins segir starfsmenn þess hafa lagt sig fram í sóttvörnum og vonast til að íbúar sýni erfiðum aðstæðum skilning.