Umhverfisstofnun skoðar hvort rétt hafi verið staðið að verki þegar veitt var leyfi til útskurðar í kletta í Stöðvarfirði fyrr á árinu. Tekist er á um skilgreiningu í náttúruverndarlögum um hvað teljist einstakt náttúrufyrirbrigði.
Austfirsk gistiheimili neyddust til að vísa gestum frá í gærkvöldi sem leituðu skjóls undan miklum rigningum á landinu síðustu daga. Rekandi gistihúss segir ferðamennina almennt hafa verið vel búna en haft þörf fyrir að komast í skjól.
Rannsóknarnefnd samgönguslysa átelur harðlega að slakað sé á öryggiskröfum þótt skip séu að skipta um eigendur. Þetta er niðurstaða úr rannsókn nefndarinnar á slysi um borð um Barða NK, skipi Síldarvinnslunnar, í fyrrasumar.
Meðalhiti hefur aldrei mælst hærri í júlí á Dalatanga í sögu 80 ára veðurmælinga þar heldur en í nýafstöðnum mánuði. Hæsti meðalhiti á landinu var á Hallormsstað.
Skálinn Diner var opnaður á Egilsstöðum þann 1. maí síðastliðinn í því húsnæði sem Shell-skálinn var áður. Eins og nafnið gefur til kynna er um að ræða veitingastað að amerískri fyrirmynd.
Hálslón fór á yfirfall á föstudagskvöld. Einu sinni áður í rekstrarsögu Kárahnjúkavirkjunar hefur það gerst svo snemma. Rennsli þar er nú meira en í yfirstandandi Skaftárhlaupi.
Nýrri og glæsilegri flokkunarsamstæðu hefur nú verið komið fyrir í miðbæ Djúpavogs en styrkur frá Uppbyggingarsjóði Austurlands hlaust til verksins í tengslum við Cittaslow-stefnu hreppsins.
Minnihluti Sjálfstæðisflokks og Framsóknarflokks í bæjarstjórn Seyðisfjarðarkaupstaðar gagnrýnir vinnubrögð meirihluta Seyðisfjarðalistans við ráðningu nýs bæjarstjóra sem staðfest var á bæjarstjórnarfundi í gær vegna skorts á gögnum. Forseti bæjarstjórnar segir minnihlutann hafa fengið sömu gögn og meirihlutann. Fulltrúar Sjálfstæðisflokks gerðu tillögu um ráðningu fyrrverandi forseta bæjarstjórnar.
Páll Björgvin Guðmundsson, sem í lok júní lét af störfum sem bæjarstjóri Fjarðabyggðar eftir átta ára starf, segir það lykilatriði að sveitarstjórnarfólk á Austurlandi setjist niður og komi sér saman um hvaða baráttumál eigi að vera í forgangi. Núverandi fyrirkomulag á ályktunum Sambands sveitarfélaga á Austurlandi (SSA) virðist ekki nógu skilvirkt.
Bændum í fjórum af fimm varnarhólfum á svæðinu milli Jökulsár á Fjöllum og Jökulsár á Breiðamerkursandi er heimilt að flytja hey út til Noregs. Þetta eru niðurstöður athugunar Matvælastofnunar.
Björgunarskip Slysavarnarfélagsins Landsbjargar í Neskaupstað, Hafbjörg, var kölluð út rétt fyrir klukkan fimm í gær á fyrsta forgangi þegar Eyji NK varð vélarvana rétt utan Norðfjarðar.