Gekk vel að draga vélarvana bát til hafnar
Björgunarskip Slysavarnarfélagsins Landsbjargar í Neskaupstað, Hafbjörg, var kölluð út rétt fyrir klukkan fimm í gær á fyrsta forgangi þegar Eyji NK varð vélarvana rétt utan Norðfjarðar.Tveir skipverjar voru um borð og amaði ekkert að þeim.
Hafbjörg tók Eyja í tog og kom með hann til hafnar um klukkan sjö í gær.
Þær upplýsingar fengust hjá Landsbjörgu í dag að björgunin hefði gengið vel enda veður hæglátt á Austfjörðum í gær.
Mynd úr safni.
