Heilbrigðisráðherra hefur ákveðið að veita Heilbrigðisstofnun Austurlands viðbótarfjárframlag upp á 17 milljónir króna til að efla geðheilbrigðisþjónustu í þágu íbúa Seyðisfjarðar eftir skriðuföllin þar í desember.
Skautasvellið við Samfélagssmiðjuna hefur notið mikilla vinsælda meðal barna og fullorðinna í vetur. Skautafélaginu barst á dögunum gjöf frá versluninni Vaski en þau gáfu stuðningsgrindur fyrir byrjendur.
Sprunga, sem gengur út frá farvegi stóru skriðunnar er féll á Seyðisfjörð þann 18. desember, hefur lengst. Engin hreyfing virðist þó vera á jarðveginum í kringum hana og því talið óhætt að halda áfram vinnu á skriðusvæðinu.
Tíma tekur fyrir Seyðfirðinga að treysta aftur fjöllunum fyrir ofan bæinn eftir aurskriðurnar sem féllu þar um miðjan desember. Um þrjátíu manns bíða enn eftir upplýsingum um hvort það geti búið aftur í húsum sínum á svæðinu þar sem stóra skriðan féll 18. desember. Íbúi sem horfði á skriðuna koma niður ofan heimilis síns segist enn upplifa það augnablik.
Bryndís Hlöðversdóttir, ráðuneytisstjóri í forsætisráðuneytinu, er formaður starfshóps á vegum ríkisstjórnarinnar sem ætlað er að fylgja eftir málum er varða aðkomu ríkisins að hreinsun og öðrum aðgerðum í kjölfar skriðufallanna á Seyðisfirði.
Veðurstofan hefur gefið út gula viðvörun vegna úrkomu á Austfjörðum í nótt og á morgun. Sérstaklega verður fylgst með ástandinu á Seyðisfirði og Eskifirði meðan veðrið gengur yfir.
Á fimmtudagskvöldum hittast Seyðfirðingar og borða saman í félagsheimilinu Herðubreið. Skipuleggjandi segir mikilvægt fyrir íbúa að hittast og tala saman í kjölfar skriðufallanna í desember.
Ekki þykir ráðlegt að aflétta frekari rýmingum á Seyðisfirði að sinni vegna úrkomuspár um helgina. Unnið er að því að reisa bráðabirgðavarnir á svæðinu.
Starfshópur á vegum íslensku ríkisstjórnarinnar hefur komið upp sérstakri upplýsingasíðu á vefsvæðinu Island.is fyrir íbúa á Seyðisfirði í kjölfar skriðufallanna sem urðu þar um miðjan desember.
Um 300 fermetrar af þaki brettasmiðju Tandrabergs á hafnarsvæðinu í Norðfirði eru ónýtir eftir óveðrið síðasta laugardag. Nokkrir starfsmenn voru að störfum þar inni þegar þakið fór af, meðal annars framkvæmdastjórinn sem segir óhugnanlegt hafa verið að fylgjast með.
Búið er að rýma svæðið á svæði stóru skriðunnar á Seyðisfirði sem og starfssvæði Síldarvinnslunnar í öryggisskyni eftir að vart varð við los á jarðvegi utarlega í skriðusvæðinu.
Fundað hefur verið í kjaradeilu AFLs Starfsgreinafélags og Rafiðnaðarsambands Íslands við Alcoa Fjarðaál á Egilsstöðum í dag og í gær. Ríkissáttasemjari kom austur til að stýra fundum og mun þetta vera í fyrsta sinn í áraraðir sem haldnir eru fundir á hans vegum utan höfuðborgarsvæðisins.