Aukið fjármagn sett í sálfræðiaðstoð eftir skriðuföllin
Heilbrigðisráðherra hefur ákveðið að veita Heilbrigðisstofnun Austurlands viðbótarfjárframlag upp á 17 milljónir króna til að efla geðheilbrigðisþjónustu í þágu íbúa Seyðisfjarðar eftir skriðuföllin þar í desember.Í tilkynningu frá ráðuneytinu segir að starfsfólk HSA hafi fundið fyrir verulega aukinni þörf fólks fyrir áfallameðferð og þjónustu geðteymis eftir hamfarirnar.
Mat fagfólks sé að bregðast þurfi skjótt við með að auka þjónustu til fyrirbyggja að einstaklingar, sem þurfa á stuðningi að halda, þrói með sér alvarlega og langvinna áfallastreituröskun.