Sigmundur Davíð Gunnlaugsson, fyrrum forsætisráðherra og formaður Framsóknarflokksins, er ákveðinn í að leiða flokkinn í komandi kosningabaráttu í Norðausturkjördæmi. Hann segist vilja einbeita sér að málefnum kjördæmisins á næsta kjörtímabili.
Nítján staðir á Austurlandi eru meðal þeirra 140 sem eru á lista sem Umhverfis- og auðlindaráðuneytið lagði fram í morgun í drögum að áætlun um uppbyggingu innviða á ferðamannastöðum, um land allt, til verndar náttúru og menningarminjum.
Sveitarstjórn Breiðdalshrepps hefur áhyggjur af framtíð vinnslu Ísfisks á staðnum. Framkvæmdastjórinn segir forsendur vinnslunnar brostnar nema til komi meiri meðgjöf hins opinbera í formi kvóta eða breyttar reglur.
„Ég er alveg viss um að allir fá innblástur af náttúrunni sem hér dvelja,“ segir Ásta Hlín Magnúsdóttir, en nú gefst öllum kostur á að leigja skrifstofuaðstöðu í Fjarðaborg í lengri eða skemmri tíma.
Stöðuleyfi fyrir starfsmannabúðir sem reistar voru við byggingu álvers Alcoa í Reyðarfirði hefur verið framlengt til næsta sumars. Unnið er að því að fjarlægja búðirnar.
Fimm Austfirðingar eru á framboðslista Bjartrar framtíðar í Norðausturkjördæmi en listinn var opinberaður fyrir helgi. Efstur er Arngrímur Viðar Ásgeirsson, ferðaþjónustufrömuður á Borgarfirði sem skipar þriðja sætið.
Þróttur vann Stjörnuna tvisvar í Mizunodeild karla í blaki í Neskaupstað um helgina en þurfti að hafa mismikið fyrir sigrunum. Þjálfari liðsins lýsir fyrri leiknum sem fullkomnum.
Annar fundurinn í sameiningarviðræðum Djúpavogshrepps, sveitarfélagsins Hornafjarðar og Skaftárhrepps var haldinn á Kirkjubæjarklaustri á miðvikudag. Oddviti Djúpavogshrepps segir stuðning ríkisins geta ráðið miklu um framþróun viðræðnanna.
Kristín Björg Albertsdóttir, forstjóri Heilbrigðisstofnunar Austurlands hefur verið skipuð forstjóri Heilbrigðisstofnunar Vestfjarða frá 1. nóvember næstkomandi. Ekki er ljóst hver tekur við starfinu eystra þá.
Sjö einstaklingar búsettir á Austurlandi eru á framboðslista Viðreisnar í Norðausturkjördæmi en listinn var kynntur fyrir helgi. Jens Hilmarsson, lögregluþjónn á Egilsstöðum, er efstur þeirra í þriðja sæti.