Landsel hefur fjölgað við Austfirði á undanförnum árum samkvæmt nýjustu talningum. Stofninn er þó í lágmarki og því er lagt til að allar veiðar verði bannaðar. Nauðsynlegt er að kanna frekar hvað það er sem heldur stofninum niðri.
Kuldahret um helgina á ekki að hafa haft mikil áhrif á fuglalíf á Austurlandi, nema þá í allra efstu fjallatindum. Mikilvægast er að fuglarnir hafi aðgang að fæðu.
Djúpavogshreppur hefur gert tillögu um nýtt deiliskipulags fyrir efsta hluta Borgarlands aðgengilega almenningi í gegnum þrívídd. Umhverfissálfræðingur segir sýndarveruleika geta auðveldað kynningu á skipulagi fyrir íbúum sem aftur leiði til betri ákvarðanatöku.
Veðurvefurinn Blika.is hefur bætt við spáþjónustu sína þar sem á honum má nú fletta upp veðurspám fyrir níu þúsund staðsetningar, þar á meðal öllum lögbýlum landsins. Nákvæmari spá gagnast bæði austfirskum bændum og ferðalöngum.
„Þemaverkefni BRAS 2019 er tjáning án tungumáls, en það er innblásið af þeirri staðreynda að börnum sem hafa annað móðurmál en íslensku fjölgar ört á Austurlandi. Tjáning án tungumáls nýtist öllum þátttakendum, sama hver bakgrunnur þeirra eða aðstæður eru,” segir Halldóra Dröfn Hafþórsdóttir, verkefnastjóri hjá Austurbrú um Menningarhátíð barna og ungmenna á Austurlandi verður haldin í annað sinn í september 2019.
„Helsti tilgangur verkefnisins er að draga úr losun gróðurhúsalofttegunda og auka orkunýtni á Austurlandi og draga fram áskoranir og kosti þess að hætta notkun jarðefnaeldsneyta í landsfjórðungnum,” segir Jón Steinar Garðarsson Mýrdal, verkefnastjóri hjá Austurbrú, en stofnunin hlaut á dögunum 15 milljón króna styrk frá Alcoa Foundation fyrir verkefnið Orkuskipti á Austurlandi sem hefur verið starfrækt hjá Austurbrú frá árinu 2016.
Fjöldi gistinótta á Austurlandi í maí jókst um 17% milli áranna 2019 og 2018. Á sama tíma fækkaði þeim um 10% á landsvísu. Verkefnastjóri í markaðsmálum hjá Austurbrú varar við að dregnar verði of sterkar ályktanir út frá einum mánuði.
Eftirlitsflygildi, sem staðsett er á Egilsstaðaflugvelli á vegum Landhelgisgæslunnar, tekur ekki upp myndefni þegar flogið er yfir landi. Íbúar í næsta nágrenni flugvallarins hafa verið hugsi yfir umfangi eftirlitsins.
„Við viljum fara að einbeita okkur enn frekar að markaðnum hérna fyrir austan,” segir Kári Kárason, eigandi og flugrekstrarstjóri Flugfélags Austurlands, en félagið býður upp á ferðir milli Egilsstaða og Neskaupstaðar, sem og útsýnisflug yfir Norðfjörð um Eistaflugshelgina.
Stjórnendur RARIK hafa horfið frá fyrri yfirlýsingum um að rekstri fjarvarmaveitu á Seyðisfirði verði hætt í lok árs. Enn er verið að leita lausna á því hvernig hús Seyðfirðinga verði hituð upp til frambúðar.