Starfsmenn AFLs Starfsgreinafélags innheimta milljónir í vangoldin laun fyrir félagsmenn sína í hverri viku. Dæmi eru um að atvinnurekendur notist við alþjóðlegar greiðslugáttir til að sleppa framhjá íslensku eftirliti.
Fiskeldi Austfjarða hefur fengið leyfi til að ala ófrjóan lax í Fáskrúðsfirði og Berufirði. Þetta er í fyrsta sinn sem slík leyfi eru gefin úr hérlendis. Eldið í Fáskrúðsfirði á að fara af stað í vor.
Fyrirtækið Austurlands Food Coop hóf í lok janúar innflutning á fersku grænmeti og ávöxtum til landsins með Norrænu. Á skömmum tíma hefur innflutningsmagnið vaxið úr 250 kg í eitt tonn á viku. Eftirspurnin kemur stofnendunum ekki á óvart heldur hversu hratt sagan af grænmetinu hefur borist.
Lögreglan á Austurlandi handtók einn farþega fyrir að framvísa fölsuðum skilríkjum og vísaði öðrum úr landi þegar ferjan kom til Seyðisfjarðar á þriðjudagsmorgun.
Hafbjörg NK, björgunarskip Landsbjargar í Neskaupstað var kallað út um miðnætti vegna báts sem hafði orðið rafmagnslaus. Nokkuð var um verkefni hjá austfirskum björgunarsveitum í óveðri á föstudag.
Tónlistarnemendur af Norður- og Austurlandi mætast á Eskifirði á morgun í forkeppni Nótunnar, uppskeruhátíðar tónlistarskóla. Tónskólastjóri segir keppnina mikinn viðburð fyrir tónlistarnemendur.
Grænmetisrækt á Fljótsdalshéraði er takmörkuð þrátt fyrir að skilyrðin séu að mörgu leyti góð. Mikilvægt er að sveitarfélög setji sér stefnu um innkaup á hráefnum til að skapa staðbundinn markað.
Útlit er fyrir að tekist hafi að hefta frekari útbreiðslu mislinga, sem fyrst greindust í einstaklingi sem kom austur til Egilsstaða með áætlunar flugi um miðjan febrúar. Læknir segir heilbrigðisfólk og almenning hafa sýnt samstöðu í að verja sig gegn veirunni.
Sjór hefur gengið á land í Neskaupstað og á Eskifirði í miklu roki í dag. Björgunarsveitir hafa verið kallaðar út til að hefta fok. Enn er von á að bæti í vindinn.
Íslendingar skrifuðu í byrjun vikunnar undir bráðabrigðafríverslunarsamning við Bretland sem inniheldur ákvæði um vöruviðskipti ef Bretar ganga úr Evrópusambandinu án samnings. Aðalsamningamaður Íslands segir mikla vinnu að baki samningnum enda hafi ýmsar ólíkar sviðsmyndir verið uppi við samningsgerðina.
Sjávarútvegs- og landbúnaðarráðherra segir ekki hægt að skella skollaeyrum við þeirri staðreynd að íslenska ríkið hafi tapað dómsmálum sem snúa að innflutningi ófrosinnar kjötvöru þrátt fyrir að hafa haldið uppi vörnum í áratug. Ríkið geti ekki vikið sér undan samningum sem það hafi undirgengist af fúsum og frjálsum vilja.