Rektor University of Highlands and Island í Skotlandi (UHI) segist spenntur fyrir möguleikum á samstarfi við Múlaþing í kjölfar viljayfirlýsingar sem skólinn og sveitarfélagið gerðu um daginn. Hann segir það gefa skólanum á að gera nemendahóp sinn enn fjölbreyttari.
Norræna kom í gærmorgun til Seyðisfjarðar með 98 farþega. Allir fóru í sýnatöku utan þrjú börn undir bólusetningaaldri. Þrjátíu og einn fóru á sóttvarnarhótelið á Hallormsstað. Niðurstöðu sýnatöku er að vænta í dag.
Gauti Jóhannesson, forseti sveitarstjórnar Múlaþings og Njáll Trausti Friðbertsson, þingmaður frá Akureyri, bjóða sig fram í fyrsta sætið í prófkjöri Sjálfstæðisflokksins í Norðausturkjördæmi. Níu gefa kost á sér í fimm efstu sæti.
Rekstrarafkoma Múlaþings árið 2020 var neikvæð um 110 milljónir kr. samkvæmt samstæðureikningi sveitarfélagsins en samanlagðar fjárhagsáætlanir sveitarfélaganna sem mynduðu Múlaþing í fyrra gerði ráð fyrir 215 milljóna kr. rekstrarafgangi.
Lögreglan á Austurlandi hefur lokið rannsókn á hugsanlegu sóttvarnarbroti í fjórðungnum um helgina. Málið hefur verið sent ákærusviði embættisins sem tekur ákvörðun um framhaldið.
„Við munum endurbyggja baðhúsið og ég vona að það verði komið aftur í gagnið um miðjan júlí,“ segir Steingrímur (Denni) Karlsson eigandi Óbyggðasetursins en baðhús þess brann um helgina eins og fram hefur komið í fréttum.
Búið er að boða um 720 manns til bólusetningar hjá Heilbrigðisstofnun Austurlands í vikunni. Stefnt er að því að bólusetja alla 60 ára og eldri á næstu tveimur vikum.
Múlaþing hefur auglýst til leigu aðstöðu og rekstur á annars vegar tjaldsvæðinu á Borgarfirði Eystra og hins vegar á Seyðisfirði til ársloka 2021, með möguleika á framlengingu. Einum og sama aðilanum er heimilt að bjóða í leigu á aðstöðu og rekstur beggja tjaldsvæða.