Ágætu landsmenn. Fyrir hönd margra íbúa sveitarfélagsins Fjarðabyggðar eru þessi orð sett á blað. Bæjarstjórn Fjarðabyggðar staðfesti þann gjörning bæjarráðs að loka bæjarskrifstofunum á Norðfirði í desember. Ákvörðun þessari var haldið til streitu þrátt fyrir fjölmennan íbúafund sem haldinn var á Norðfirði föstudaginn 4.desember s.l. til að mótmæla lokun bæjarskrifstofunnar þar og vinnubrögðunum sem viðhöfð voru auk harðra mótmæla starfsmanna sem þar unnu.
Nú um áramótin verða þáttaskil í rekstri fréttavefsins austurglugginn.is. Ritstjóri austfirska fréttablaðsins Austurgluggans, Steinunn Ásmundsdóttir, sem hefur undanfarna 15 mánuði sinnt fréttaskrifum á vefinn í sjálfboðavinnu til hliðar við fullt starf sitt að fréttablaðinu, mun nú hverfa frá vefskrifum og einbeita sér að blaðinu. Steinunn þakkar lesendum vefsins samfylgdina þennan tíma og óskar Austfirðingum og landsmönnum öllum farsældar og samstöðu á nýju ári.
Úthlutað hefur verið 900 þúsund krónum úr Spretti, styrktarsjóði Alcoa Fjarðaáls og Ungmenna- og íþróttasambands Austurlands (UÍA), til þrettán umsækjenda. Tveir afreksstyrkir voru veittir til einstaklinga upp á 100.000 krónur. Bjarni Jens Kristinsson, skákmaður, og Helena Kristín Gunnarsdóttir, blakkona, fengu þá. Að auki var úthlutað iðkendastyrkjum, þjálfarastyrkjum og félagsstyrkjum.
Lið Menntaskólans á Egilsstöðum er komið áfram í aðra umferð spurningakeppni framhaldsskólanna, Gettu betur, eftir 22-19 sigur á liði Menntaskólans við Sund í gærkvöldi.
Áramótabrennur verða víðast haldnar á þéttbýlisstöðum á Austurlandi með kvöldinu. Flugeldasala hefur verið nokkuð svipuð og í fyrra og því útlit fyrir að Austfirðingar verði skotglaðir að vanda upp úr miðnættinu. Spá gerir ráð fyrir björtu eða hálfskýjuðu á Austurlandi í kvöld, 3-18 stiga frosti og hægum vindi af norðvestri. Einnig er gert ráð fyrir hæglætisveðri á nýársdag.
Aðalfundur Félags smábátaeigenda á Austurlandi ákvað fyrir jólin að ráðstafa ríflega allri innkomu félagsins árið 2008 til þeirra átta björgunarsveitasem eru á starfssvæði félagsins. Það nær frá Borgarfirði eystra til Djúpavogs. Í hlut hverrar sveitar komu 50.000.- krónur.
Gunnar Gunnarsson hefur tekið að sér
ritstjórn fréttavefsins Austurglugginn.is en Austurnet hefur tekið
fréttavefinn upp á sína arma. Fleiri fréttaritarar, dálkahöfundar og
aðrir hjálparkokkar verða fengnir að vefnum á næstu vikum og mánuðum um
leið og
framtíðarstefna hans og umhverfi verða mótuð nánar.
Í gærkvöld samþykkti aðalfundur AFLs Starfsgreinafélags ályktun um breytingar á skattamálum sjómanna: „Aðalfundur sjómannadeildar AFLs Starfsgreinafélags átelur stjórnvöld fyrir lagabreytingar á skattaumhverfi sjómanna án þess að tekið sé tillit til sögu sjómannaafsláttarins. Krafa fundarins er að lögin verði afturkölluð eða að sjómenn fái í hans stað dagpeninga líkt og aðrar stéttir sem stunda vinnu fjarri heimili og skorar fundurinn á útvegsmenn að standa með sjómönnum í þessum efnum. ...
Þekkingarnet Austurlands og Ungmenna- og íþróttasamband Austurlands hafa gert með sér samstarfssamning fram á vor. Samningurinn felur það í sér að UÍA undirbýr og heldur námskeið sem tengjast félagsstarfi á vorönn 2010. UÍA hefur á árinu markvisst byggt upp félagsmálafræðslu sína og haldið námskeið víða um fjórðunginn. Þar með var þeirri vinnu sem hleypt var af stokkunum með félagsmálaskóla UÍA seinasta vetur haldið áfram. Námskeið UÍA verða hluti af víðari fræðslu Þekkingarnetsins sem einkum er ætluð atvinnulausum.