Fyrirtæki, stofnanir og einstaklingar athugið
Nú eru að verða síðustu forvöð að senda inn jólaauglýsingar í glæsilegt og efnismikið jólablað Austfirðinga, Austurgluggann, sem kemur út á föstudag. Vinsamlega hafið samband við auglýsingadeild í síma 891-6484. Áfram Austurland!
Sjávarútvegsfyrirtækin Eskja, Brimberg og Gullberg gáfu mest til tveggja frambjóðenda í prófkjöri Sjálfstæðisflokksins í Norðausturkjördæmi fyrir þingkosningarnar í vor.
Leiðari Austurgluggans 13. nóvember 2009:
Sjávarfangið er okkar dýrasta auðlind ásamt náttúru landsins. Oft hef ég velt því fyrir mér síðan ég fann mér minn stað í veröldinni á Austurlandi, af hverju erfitt getur verið að kaupa góðan fisk hér í fjórðungnum. Ekki síst í byggðunum þar sem aflinn kemur í land til verkunar eða flutnings.
Samgöngu- og sveitarstjórnarráðherra, Samband íslenskra sveitarfélaga og Samband sveitarfélaga á Austurlandi boða til sameiginlegs kynningarfundar um nýjar leiðir til að efla sveitarstjórnarstigið, á Egilsstöðum mánudaginn 14. desember. Fundurinn er haldinn í kjölfar þess að nýlega undirrituðu samgöngu- og sveitarstjórnarráðherra og formaður Sambands íslenskra sveitarfélaga yfirlýsingu um að skipa samstarfsnefnd til að ræða og meta sameiningarkosti sveitarfélaga í hverjum landshluta.
Leiðari Austurgluggans 27. nóvember 2009:
Um daginn sagði við mig kona að það væri bara ekkert í þessu blaði, Austurglugganum. Ég leit hvumsa á hana og spurði hvort síðurnar væru virkilega auðar? Hún firrtist auðvitað við en ég glotti og fannst ég bara nokkuð fyndin.
Leiðari Austurgluggans 6. nóvember 2009:
Um sjö mánuðir eru nú til sveitarstjórnarkosninga, sem fara munu fram 29. maí 2010. Strax hafa menn veður af málum sem sveitarfélögin ýmist skirrast við að afgreiða eða þvert á móti afgreiða óvenju hratt og engin augljós ástæða virðist vera fyrir nema aðvífandi kosningar. Það virðist nokkuð ljóst að menn eru að koma sér í startholurnar fyrir kosningabaráttu.
642 umsóknir frá 49 löndum hafa borist til stjórnenda kvikmynda- og vídeólistahátíðarinnar 700IS Hreindýraland. Þetta er nýtt met og mikil ánægja með áhugann á hátíðinni. Nú fer sýningarstjóri og stjórnandi hátíðarinnar, Kristín Scheving, í gegnum verkin og mun síðan ásamt valnefnd 2010 velja verkin sem hljóta peningaverðlaun, ferðastyrk og Alternative Routes verðlaunin. Hátíðin verður haldin frá 20. mars til 27. mars 2010 á Austurlandi.
Leiðari Austurgluggans 20. nóvember 2009:
Á þessu erfiðleikaskeiði í íslenskri sögu virðist fólk þjappa sér saman og láta gott af sér leiða sem aldrei fyrr. Það er bæði gott og hollt fyrir íslenska þjóð. Gildi eru endurmetin og líkt og varð niðurstaða Þjóðfundarins í Laugardalshöll fyrir viku eru það heiðarleiki, jafnrétti, virðing og réttlæti sem skipta sköpum ásamt ýmsu fleiru jákvæðu.
Í Austurglugga vikunnar er svo dæmi sé nefnt fjallað um Seyðfirðinginn Garðar Eymundsson, sem opnar á morgun sýningu blýantsteikninga af fjallahring Seyðisfjarðar í Skaftfelli. Þá er opnuumfjöllun um Fjórðungssjúkrahúsið í Neskaupstað; hvernig sjúkrahúsinu gengur að fóta sig í kjölfar þensluskeiðs vegna uppbyggingar virkjunar og stóriðju á Austurlandi, um ný tæki sem gefin eru af heimafólki og vöxt og viðgang fæðingardeildar. Þetta og margt fleira í nýjum Austurglugga, sem fæst á betri blaðsölustöðum.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.