Lögreglustjórinn á Austurlandi, í samráði við Veðurstofu Íslands og almannavarnadeild ríkislögreglustjóra, hefur ákveðið að aflétta rýmingu á þeim svæðum sem rýmd voru í varúðarskyni síðastliðið föstudagskvöld. Íbúar á þeim svæðum geta því haldið til síns heima.
Olís hefur tekið í notkun hraðhleðslustöð við afgreiðslu sína á Reyðarfirði. Þetta er fjórða stöðin sem fyrirtækið rekur. Fyrir eru stöðvar í Álfheimum í Reykjavík, Höfn í Hornafirði og Siglufirði.
Nú um helgina var haldið aftur til mælinga á stærð loðnustofnsins á uppsjávarveiðskipunum Ásgrími Halldórssyni SF og Polar Amaroq. Líkt og í fyrri mælingum eru þrír sérfræðingar Hafrannsóknastofnunar í hvoru skipi.
Heilbrigðisráðherra hefur ákveðið að veita Heilbrigðisstofnun Austurlands viðbótarfjárframlag upp á 17 milljónir króna til að efla geðheilbrigðisþjónustu í þágu íbúa Seyðisfjarðar eftir skriðuföllin þar í desember.
Hanna Christel Sigurkarlsdóttir einn af íbúum við Fossgötu á Seyðisfirði segir að hún og fjölskylda hennar séu ekki á leið heim í bráð. Eins og kunnugt er af fréttum var rýmingu aflétt af Fossgötu um helgina en hún hafði staðið í mánuð eða frá því að skriðuföllin hófust.
Berglind Harpa Svavarsdóttir, sveitarstjórnarfulltrúi í Múlaþingi, gefur kost á sér í 2. – 3. sætið á lista Sjálfstæðisflokksins í Norðausturkjördæmi fyrir Alþingiskosningar í haust.
Ákveðið hefur verið að rýma öll hús við Botnahlíð á Seyðisfirði auk húsa við gamla Austurveg og tveggja húsa við Múlaveg og Baugsveg vegna úrkomuspár um helgina. Rýmingin gildir til sunnudags en staðan verður þá metin að nýju.
Bryndís Hlöðversdóttir, ráðuneytisstjóri í forsætisráðuneytinu, er formaður starfshóps á vegum ríkisstjórnarinnar sem ætlað er að fylgja eftir málum er varða aðkomu ríkisins að hreinsun og öðrum aðgerðum í kjölfar skriðufallanna á Seyðisfirði.