Listahátíðinni LungA er lýst sem „litlum gimstein á hjara veraldar“ í umfjöllun í erlendu vefriti um hönnun, menningu og aðra flotta hluti. Blaðamaður segir langa og erfiða ferð til Seyðisfjarðar vel þess virði.
Lokadagur Ormsteitis verður að venju Fljótsdalsdagur með dagskrá inn til dala og upp til fjalla. 
Ein heitasta ósk Hjörvars Óla Sigurðssonar, aðdáanda bandaríska tónlistarmannsins Johns Grants, rættist á tónlistarhátíðinni Bræðslunni þegar honum bauðst að fara baksviðs og hitta átrúnaðargoðið. Hann beið fyrir utan í klukkustund en biðin reyndist þess virði.
Um fimmtíu þátttakendur á öllum aldri tóku þátt í Brennómóti sem haldið var á Egilsstöðum í síðustu viku í tengslum við Ormsteiti. Lið Snap sigraði á mótinu.
Bandaríski tónlistarmaðurinn John Grant virtist kunna vel við sig á tónlistarhátíðinni Bræðslunni sem haldin var á Borgarfirði fyrir skemmstu. John skemmti áhorfendum með íslenskuslettum en hann er að læra málið og segist hafa tekið miklu ástfóstri við það og landið. Hann var ánægður þegar hann kom af sviðinu á Bræðslunni.
Norðfirðingar fagna því á sunnudag að 70 ár eru liðin frá því að sundlaugin í Neskaupstað var tekin formlega í notkun. Vígslan fór fram 8. ágúst árið 1943 og er Sundlaug Norðfjarðar því með elstu mannvirkjum á Austurlandi. 
Hildur Þórðardóttir verður með upplestur úr nýútkominni bók sinni Taumhald á tilfinningunum: Leið til betra lífs á Seyðisfirði á fimmtudagskvöld. Bókin fjallar um huga, tilfinningar, lægra sjálf og æðra sjálf.
Fjöldi manns sótti tónlistarhátíðina Bræðsluna sem haldin var á Borgarfirði eystra fyrir skemmstu. Eins og fyrri ár margfaldaðist íbúafjöldi staðarins á meðan hátíðin stóð yfir.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.