Sviðsstjóri lögfræðisviðs Sambands íslenskra sveitarfélaga óskaði eftir því við bæjarstjóra Seyðisfjarðarkaupstaðar að beðið yrði með afgreiðslu á ráðuneytisúrskurði um gatagerðargjald í bænum á meðan lögfræðisviðið færi yfir úrskurðinn. Úrelt gjaldskrá varð kaupstaðnum fjötur um fót í málinu.
Tilgangslausu dyrnar á Íslandi eða „The Pointless Door of Iceland" er meðal þeirra hugmynda sem rædd var til að auðga mannlíf á Breiðdalsvík á íbúafundi í síðustu viku. Hugmyndin gengur út á dyr sem standi á víðavangi.
Svo virðist sem fregnir af hugsanlegum flutningi Norrænu frá Seyðisfirði hafi orðið til þess að lánastofnanir vilji ekki lána fyrir verkefnum í sveitarfélaginu. Slíkt mun hafa tafið fyrir uppbyggingu gistirýmis í bænum.
Vatnajökulsþjóðgarður stendur fyrir opnum fundi á Egilsstöðum á laugardag vegna breytinga á stjórnun- og verndaráætlun þjóðgarðsins í kjölfar stækkunar síðasta vor þegar Krepputunga og Kverkárrani bættust við.
Þóra Bergný Guðmundsdóttir, sem rekið hefur farfuglaheimilið Hafölduna á Seyðisfirði frá árinu 1975, hlaut viðurkenninguna „Kletturinn" á uppskeruhátíð Ferðamálasamtaka Austurlands um helgina. Meet the Locals og Travel East hlutu verðlaun fyrir frumkvöðlastarf.
Vegagerðin ætlar að reyna að hefja aftur daglegan mokstur á Möðrudalsöræfum og Vopnafjarðarheiði. Ekki verður þó mokað á morgun vegna slæmrar veðurspár.
Hópur útgerðarmanna sem komið hefur á hóp fiskvinnslu á Breiðdalsvík hefur sent atvinnu- og nýsköpunarráðherra stjórnsýslukæru út af ákvörðun Byggðastofnunar um að úthluta engum viðbótarbyggðakvóta í byggðarlagið. Íbúar segjast ekki lifa á viljanum einum saman.
Markaðssvið Austurbrúar og samstarfsaðilar í Þingeyjarsýslum og Norðurlandi, mótmæla því að snjómokstursdögum á milli Egilsstaða og Mývatnssveitar hafi verið fækkað í tvo á viku. Slíkt hafi neikvæð áhrif á vetrarferðamennsku sem sé vaxandi atvinnugrein.
Á morgun klukkan 16:00 stendur Nýsköpunar- og þróunarsvið Austurbrúar fyrir vinnustofu um stefnumótun skapandi greina á Austurlandi. Vinnustofan er öllum opin og verður haldin í húsakynnum Menntaskólans á Egilsstöðum (fyrirlestrarsal).Daníel Björnsson, bæjarfulltrúi Sjálfstæðisflokksins á Seyðisfirði, óskaði á bæjarstjórnarfundi í gærkvöldi eftir að skoðað yrði hvort fulltrúar minnihlutans hefðu brotið siðareglur kjörinna fulltrúa. Fulltrúar minnihlutans segjast ekki skilja hvernig þeir hafi gert það og segja að þeim ásökunum sem á þá eru bornar verði ekki tekið þegjandi.
Gísli Einarsson, ritstjóri Landans, segir að sjónvarpsþættinum hafi aldrei verið ætlað að fylla það skarð sem myndaðist þegar Ríkisútvarpið hætti reglulegum útsendingum svæðisstöðva. Hann segir ritstjórn þáttarins fylgjast náið með uppruna innslaga í þættinum til að stýra þeim sem jafnast um landið.
Valdimar O. Hermannsson, rekstrarstjóri Fjórðungssjúkrahússins í Neskaupstað (FSN), veitti í síðustu viku viðtöku árskortum í sundlaugar Fjarðabyggðar. Kortin eru rafræn og veita sjúklingum endurhæfingardeildar sjúkrahússins ókeypis aðgang í sundlaugar Fjarðabyggðar á meðan á meðferð stendur.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.