Bæjarráð Fjarðabyggðar hefur samþykkt undirritun viljayfirlýsingar við lýsisfyrirtækið Margildi þar sem lýst er velvilja og stuðningi í garð mögulegrar verksmiðju fyrirtækisins í sveitarfélaginu. Framkvæmdastjóri fyrirtækisins segir yfirlýsinguna þýða að kastljósinu verði enn frekar beint að Fjarðabyggð.
Vopnafjarðarhreppur hefur auglýst eftir aðila til að sjá um rekstur félagsheimilisins Miklagarðs. Væntanlegum rekstraraðila er ætlað að standa fyrir fjölbreyttu félagslífi og er skylt að skrá starfsemi fyrirtækis síns í sveitarfélaginu.
Aukning ferðamanna reynir á ýmsa innviði samfélaga. Nýir gististaðir utan þéttbýlisstaða spretta svo hratt upp að ekki er hugsað fyrir fráveitu og jafnvel ekki vatnsveitu áður en farið er af stað. Byrjað er að bóka gistingu áður en öll leyfi eru komin.
Sjö Austfirðingar eru meðal þeirra tæplega 400 einstaklinga sem hljóta listamannalaun í ár. Flestir hljóta laun úr launasjóði hönnuða eða þrír.
Rafmagn fór af víða á Norður- og Austurlandi stuttu eftir klukkan níu í morgun vegna truflunar í tengivirki í Fljótsdal.
Vegagerðin ætlar á þessu ári að skipta út lokunarskiltum með orðinu „impassable“ sem ruglað hafa einhverja ferðamenn. Björgunarsveitarmaður á Breiðdalsvík telur hægt að veita ókunnugum ferðamönnum mun betri upplýsingar en nú er gert.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.