Opnað hefur verið fyrir skráningu í skimanir vegna covid-19 veirunni á Austurlandi. Skimað verður á Reyðarfirði og Egilsstöðum á laugardag og sunnudag.
Ekkert nýtt covid-19 smit hefur greinst á Austurlandi síðustu tvo daga og þeim einstaklingum fækkar sem eru í sóttkví. Talsvert mörg sýni af svæðinu eru ókönnuð. Heimilt er nú að greina frá fjölda smitaðra eftir búsetusvæðum.
Sveitarstjórnir á Austurlandi hafa undanfarna daga farið yfir aðgerðir til að létta undir með fyrirtækjum og einstaklingum sem gætu lent í vandræðum í þeirri efnahagskreppur sem hlýst af covid-19 faraldrinum. Mörg hafa seinkað gjalddögum meðan önnur skoða flýtingu framkvæmda.
Stjórn AFLs starfsgreinasambands segir gagnrýni á miðstjórn Alþýðusambands Íslands (ASÍ) fyrir að vilja ekki seinka kjarasamningshækkunum né skerða mótframlag í lífeyrissjóði ósanngjarna því miðstjórnin hafi ekki heimild til þess. Hörð gagnrýni er sett á fyrrum varaforseta sambandsins fyrir að styðja slíkar aðgerðir.
Grásleppuvertíðin hefur farið þokkalega af stað að sögn útgerðarmanns á Borgarfirði eystra. Verðhrun á fiskmörkuðum hefur ekki enn komið niður á verðmæti hrogna en vandræði eru að selja fiskinn sjálfan.
Líkur eru á að hámark covid-19 faraldursins verði síðar á Austurlandi heldur en að meðaltali á landsvísu. Vika er nú síðan fyrsta smitið greindist í fjórðungnum, tæpum fjórum vikum á eftir því fyrsta í landinu. Sóttvarnalæknir telur ekki hyggilegt að gefa upp fjölda smita í einstökum byggðarlögum.
Lagfæringar á Barnaskólanum á Eskifirði er annað af þeim tveimur verkefnum sem fá hæsta styrki í ár úr Húsafriðunarsjóði. Austfirsk verkefni fá 33,7 milljónir króna úr sjóðnum að þessu sinni.
Á vegum Heilbrigðisstofnunar Austurlands og Íslenskrar erfðagreiningar er verið að undirbúa skimun til að kanna útbreiðslu covid-19 veirunnar. Vonast er til að hægt verði að hefja skimunina á næstu dögum.
Ekkert nýtt smit hefur greinst á Austurlandi síðan í gær. Yfir tvö hundruð eru í sóttkví. Fólk er minnt á að hugsa vel hvert um annað því margir finna fyrir öryggisleysi þessa dagana.