Víðtækar rafmagnstruflanir hafa verið á Austurlandi frá því á sunnudag. Íbúar á Efra-Jökuldal hafa verið án rafmagns frá miðnætti og skólahald var blásið af á Brúarási í morgun. Viðgerðarflokkar Rarik eiga erfitt um vik uns veðrið gengur niður.
Snjómokstur er hafinn á helstu fjallvegum á Austurlandi en útlit er fyrir að hann muni taka drjúgan tíma. Snjórinn er víða þungur og erfiður viðureignar.
Björgunarsveitin Sveinungi á Borgarfirði var í dag kölluð út til að aðstoða bílstjóra snjóruðningsbíls sem lenti í vandræðum á leið af Vatnsskarði niður í Njarðvík. Bílstjórinn gat ekki kallað sjálfur eftir aðstoð þar sem ekkert farsímasamband er á svæðinu.
Formaður Sambands sveitarfélaga á Austurlandi segir ánægjulegt að til standi að flýta fyrir uppbyggingu ýmissa innviða í fjórðungnum þótt óskandi hefði verið að ekki hefði þurft óveðrið í desember til að vekja fólk.
Beðið er með allan mokstur á fjallvegum á Austurlandi þar til stórhríðin sem þar hefur geisað í nótt og morgun gengur niður. Reynt verður að hreinsa vegi á láglendi eftir sem kostur er.
Björgunarsveitarmenn frá Seyðisfirði og Fljótsdalshéraði hafa síðan á þriðja tímanum í dag unnið að því að koma sjúklingi frá Seyðisfirði undir læknishendur á Héraði. Björgunarsveitarmenn segja aðstæður á heiðinni afleitar.
Óvissuástandi hefur verið lýst yfir á Seyðisfirði og Norðfirði vegna snjóflóðahættu. Ekki hefur enn verið tekin ákvörðun með rýmingu en fylgst er með snjósöfnun.
Lagningu 73 km af raflínum á Austurlandi í jörð og umbreytingu í þrífasa rafmagn verður flýtt um áratug, miðað við áætlun ríkisstjórnarinnar um innviðauppbyggingu sem kynnt var í morgun.
Veðurstofan aflýsti á þriðja tímanum í dag óvissustigi vegna snjóflóðahættu á Seyðisfirði og Norðfirði sem verið hafði í gildi frá því um klukkan sex síðdegis í gær.
Seyðfirðingar hafa sumir hverjir vaknað upp með andfælum eftir að hafa fengið SMS-skilaboð frá almannavörnum með leiðbeiningum til ferðalanga til að hefta útbreiðslu kórónaveirunnar.