Níu í framboði hjá Framsókn
Níu einstaklingar gefa kost á sér í póstkosningu Framsóknarflokksins í Norðausturkjördæmi fyrir þingkosningarnar í september. Tveir berjast um fyrsta sætið.
Jódís Skúladóttir í 3. sæti hjá VG
Jódís Skúladóttir, persónuverndarfulltrúi hjá Austurbrú og sveitarstjórnarfulltrúi í Múlaþingi, hafnaði í 3. sæti í forvali Vinstri grænna (VG) í Norðausturkjördæmi fyrir alþingiskosningarnar í haust. Athygli vekur að Óli Halldórsson forstöðumaður Þekkingarnets Þingeyinga hafnaði í fyrsta sæti listans. Forvalið fór fram um síðustu helgi.
Vinna við varnargarða tefst vegna bleytu
Hreinsunarstarf gengur vel á Seyðisfirði. Sökum úrkomu um helgina var ekki unnið við varnargarða í gærdag og heldur ekki í dag. Tækin sem verið er að nota eru stór og þung og því vinnst illa undan þeim á meðan jarðvegurinn er svona blautur.
Óhjákvæmilegt að byggðasamlögum fækki með sameiningu sveitarfélaga
Sveitarfélögin á Austurlandi undirbúa yfirtöku á þjónustu Skólaskrifstofu Austurlands frá og með upphafi næsta skólaárs. Bæjarstjóri Fjarðabyggðar segir óhjákvæmilegt að byggðasamlögum fækki um leið og sveitarfélögin sem að þeim standa sameinast.
Yfir 470 skammtar af bóluefni austur
Ríflega 470 skammtar af bóluefni við Covid-19 veirunni bárust Heilbrigðisstofnun Austurlands í morgun. Þetta er stærsta sendingin efnisins sem stofnuninni hefur borist til þessa.
Glataði 15 heyrúllum í krapaflóði
„Það eru um 15 heyrúllur sem glötuðust í þessu krapaflóði en þær lentu í ánni við bæinn og skoluðust síðan í burtu þegar áin ruddi sig í leysingum skömmu síðar,“ segir Bergþór Steinar Bjarnason bóndi í Hjarðarhlíð í Skriðdal. Krapaflóð féll á bæinn í upphafi vikunnar með þessum afleiðingum.
Fjarðabyggð vill rífa Rauðu braggana þótt Minjastofnun vilji vernda
Nefndir Fjarðabyggðar vilja ekki að sveitarfélagið hviki frá áður útgefnu leyfi til að rífa húsin að Strandgötu 98b á Eskifirði, betur þekkt sem Rauðu braggarnir þar sem harðfiskverkun Sporðs var áður til húsa. Minjastofnun vildi að áformin yrðu endurskoðuð þar sem hún eru bæði hluti af atvinnusögu bæjarins og hafa tilfinningalegt gildi fyrir bæjarbúa.
Rýmt í varúðarskyni á Seyðisfirði í kvöld
Ákveðið hefur verið að rýma öll hús við Botnahlíð, Fossgötu og gamla Austurveg á Seyðisfirði, auk húsa við Hafnargötu, Múlaveg og Baugsveg, í kvöld vegna hættu á aurskriðum. Enn er verið að læra á hvað hlíðin fyrir ofan sunnanverðan bæinn þolir eftir skriðuföllin þar um miðjan desember.
Beitir með 900 tonn af ekta Japansloðnu
Beitir NK kom í morgun til Neskaupstaðar með 900 tonn af loðnu sem fer til vinnslu í fiskiðjuveri Síldarvinnslunnar. Loðnan fékkst í fjórum köstum í Meðallandsbugtinni og er um "ekta Japansloðnu" að ræða að því er segir á vefsíðu Síldarvinnslunnar.
Ekkert sem tefur Fjarðarheiðargöng
Fjarðarheiðargöng verða opnuð seinni hluta árs 2029 ef allt gengur að óskum. Ekkert bendir til annars en undirbúningur fyrir gangagröftinn geti hafist síðla árs 2022 eins og stefnt hefur verið að.
