Yfir 470 skammtar af bóluefni austur
Ríflega 470 skammtar af bóluefni við Covid-19 veirunni bárust Heilbrigðisstofnun Austurlands í morgun. Þetta er stærsta sendingin efnisins sem stofnuninni hefur borist til þessa.Af bóluefni Pfizer/BioNTech bárust 37 glös eða 22 skammtar. Þorri þeirra, eða 201 skammtur, fara til viðbragðsaðila og eldri borgara sem fá nú sinn seinni skammt. Þá fær 21 eldri borgari sína fyrstu bólusetningu.
Að auki fékk stofnunin 250 skammta af efni AstraZeneca. Þeir verða notaðir til að bólusetja starfsmenn hjúkrunarheimila, sambýla og heimahjúkrunar.
Að sögn Nínu Hrannar Gunnarsdóttur, framkvæmdastjóra hjúkrunar hjá HSA, verður lokið við bólusetningu með efni Pfizer á fimmtudag en í næstu viku með efni AstraZeneca.