Jódís Skúladóttir í 3. sæti hjá VG
Jódís Skúladóttir, persónuverndarfulltrúi hjá Austurbrú og sveitarstjórnarfulltrúi í Múlaþingi, hafnaði í 3. sæti í forvali Vinstri grænna (VG) í Norðausturkjördæmi fyrir alþingiskosningarnar í haust. Athygli vekur að Óli Halldórsson forstöðumaður Þekkingarnets Þingeyinga hafnaði í fyrsta sæti listans. Forvalið fór fram um síðustu helgi.Bjarkey Olsen þingmaður VG í kjördæminu hafnaði í 2. sæti listans en hún bauð sig fram í 1.-2. sæti. Óli Halldórsson sem bauð sig fram í 1. sætið hlaut 304 atkvæði eða 11 atkvæðum meir en Bjarkey. Jódís sem bauð sig fram í 1.-3. sætið hlaut samtals 297 atkvæði.
Vopnfirðingurinn Kári Gautason hafnaði í 4. sæti listans og Jana Salóme Ingibjargar Jósepsdóttir í 5. sætið. Alls voru 12 í framboði. Á kjörskrá voru 1042. Atkvæði greiddu 648 og var kosningaþáttaka því 62%.