Hafnarstjórn Fjarðabyggðar telur furðulegt að Umhverfisstofnun geti gefið út leyfi til umskipunar olíu milli skipa innan skilgreinds hafnarsvæðis án þess að spyrja sveitarfélagið leyfis. Umhverfisstofnun telur koma til greina að breyta reglugerð í kjölfar athugasemdanna.
Síldarvinnsluflotinn hélt til kolmunnaveiða frá Neskaupstað í gær. Beitir NK lét fyrstur úr höfn í gærmorgun, síðan Bjarni Ólafsson AK í hádeginu, þá Börkur NK síðdegis og loks Polar Amaroq.
Íslendingar hafa bókað mikið af ferðum með Norrænu frá Seyðisfirði til Færeyja í sumar. Á móti eru bókanir erlendra ferðamanna með ferjunni til Íslands í lágmarki miðað við fyrri sumur.
Lögreglan á Austurlandi hafði í morgun afskipti af erlendum ferðamanni sem talinn var hafa brotið gegn reglum um sóttkví. Eftir að hafa rætt við viðkomandi var talið að brotið hefði verið framið af misskilningi frekar en ásettu ráði.
Búið er að loka Fjarðarheiðinni og verður hún lokuð til morguns. Gísli Sæmundsson hjá Vegagerðinni segir að gul veðurviðvörun sé að skella á núna eftir hádegið og því verði ekki reynt að halda heiðinni opinni í dag.