Menningarmálanefnd Vopnafjarðar hefur hafið undirbúning að hinni árlegu bæjarhátið Vopnaskak í sumar. Áætluð tímasetning hátíðarinnar er í kringum helgina 3-4. júlí.
Borgfirðingar vilja til að skólastjóri Fellaskóla verði einnig skólastjóri Grunnskóla Borgarfjarðar. Töluverð samvinna hefur verið milli skólana á síðustu árum. Skólinn á Borgarfirði er mjög fámennur en í honum eru fjórir nemendur í vetur.
Veðurstofan hefur spáð talsverðri veðurblíðu á Austurlandi næstu dagana. Á kortinu sem fylgir hér með sést staðan á hádegi á fimmtudaginn kemur hvað hita varðar.
Allt tiltækt slökkvilið á Egilsstöðum var kallað út í dag að bænum Freyshólum í útjaðri Hallormsstaðarskógar þar sem skemma stóð í ljósum logum. Ekki tókst að bjarga skemmunni en slökkviliðið kom í veg fyrir að eldurinn bærist í nærliggjandi einbýlishús.
Samkeppniseftirlitið hefur heimilað samruna Norðlenska, Kjarnafæðis og SAH afurða með skilyrðum. Meðal þeirra er að sameinað félag selji eign sína í Sláturfélagi Vopnfirðinga.
Jim Ratcliffe, landeigandi í Vopnafirði og stangveiðimaður, er á ný orðinn ríkasti maður Bretlandseyja. Eignir hans eru metnar á 17 milljarða Bandaríkjadala eða um 2.177 milljarða íslenskra króna.
Útlit er fyrir að Eiríkur Björn Björgvinsson, fyrrum bæjarstjóri Fljótsdalshéraðs, skipi fyrsta sætið á lista Viðreisnar í Norðausturkjördæmi fyrir komandi þingkosningar.
Í nýjum sóttvarnareglum heilbrigðisráðherra kemur fram að frá og með fimmtudeginum fari almennar fjöldatakmarkanir úr 10 í 20 manns. Hægt verður að hefja íþróttastarf, sund og heilsurækt með takmörkunum.
Ekki hefur enn verið ákveðið hvaða leið verður farin hjá Miðflokkinum við val á framboðslista fyrir þingkosningarnar í haust. Sigmundur Davíð Gunnlaugsson, formaður flokksins, hefur staðfest að hann gefi áfram kost á sér í Norðausturkjördæmi.