Vök Baths prýðir forsíðu bókarinnar “Architecture of Bathing, Body, Landscape, Art” sem er nýkomin út. Bókin er eftir kanadíska arkitektinn Christie Pearson. Eins og nafnið gefur til kynna fjallar bókin um arkitektúr og hönnun baðstaða.
Kristján Þór Júlíusson, sjávarútvegs- og landbúnaðarráðherra, hefur lagt til að Bjargráðasjóði verði tryggt aukið fjármagni á þessu ári vegna óvenju mikilla kal- og girðingatjóna veturinn 2019-2020. Ríkisstjórnin samþykkti að tillögu ráðherra að vísa málefnum sjóðsins til vinnslu frumvarps til fjáraukalaga 2020.
Vopnafjörður er kominn með nýtt byggðamerki og nýja heimasíðu þar sem hið nýja merki er kynnt. Sara Elísabet Svansdóttir sveitarstjóri Vopnafjarðarhrepps segir að hið nýja merki sé ótrúlega velheppnað, sem og heimasíðan.
Aðgerðastjórn almannavarnanefndar Austurlands þakkar Austfirðingum fyrir ábyrga hegðun í Covid-19 faraldrinum síðustu vikur. Ekkert virkt smit er skráð í fjórðungnum í dag.
Sveitarstjórn Múlaþings hefur samþykkt að allar veitustofnanir Borgarfjarðarhrepps, Seyðisfjarðarkaupstaðar og Djúpavogshrepps verði sameinaðar og færðar undir Hitaveitu Egilsstaða og Fella ehf. (HEF).
Heimamenn á Seyðisfirði telja að sóttvarnir sjónvarpsfólksins sem stóð í upptökum fyrir þáttaröðina Ófærð 3 hafi verið til fyrirmyndar. Kristján Ólafur Guðnason yfirlögregluþjónn á Austurlandi segir að ítarlega hafi verið farið yfir sóttvarnir með sjónvarpsfólkinu. Bæði áður en hópurinn kom og einnig eftir að hann var kominn til bæjarins.
Hæstiréttur Íslands hefur hafnað beiðni Sigurðar Sigurðarsonar um að taka fyrir mál hans. Tíu ára fangelsisdómur Landsréttar yfir honum fyrir lífshættulega árása á annan mann með hnífi hefur því verið staðfestur.
Beitir NK fékk forláta akkeri í vörpuna í lok síðasta mánaðar. Beitir var á síldveiðum í sunnanverðu Seyðisfjarðardýpi og fékk þá ankeri í vörpuna. Síldin er veidd með flotvörpu en á daginn heldur hún sig niður við botn og þá er varpan dregin eftir botninum við veiðarnar.
Vinnuveitendur geta hvorki krafist þess að vita hvar starfsfólk heldur sig utan vinnutíma né skikkað það heim án launa eftir heimkomu af höfuðborgarsvæðinu. Slíkar heimildir séu aðeins í höndum sóttvarnayfirvalda.
Ekki er vitað um neinn einstakling með Covid-19 smit á Austurlandi sem stendur. Aðgerðastjórn almannavarnanefndar Austurlands brýnir þó fyrir fólki að fara með gát.
Arnar Sigbjörnsson sérfræðingur í framhaldsskólamálum hjá Menntamálastofnun segir að öllu óbreyttu muni LungA lýðskóli á Seyðisfirði fá viðurkenningu sem menntastofnun fyrir áramót.