Fyrsta bólusetningin gegn COVID á Austurlandi verður á hádegi í heilsugæslustöðinni á Egilsstöðum. Fyrstu 170 skammtarnir af bólefninu komu til Egilsstaða með flugi í morgun.
Veiðifélögin á Fljótsdalshéraði , Veiðifélag Jökulsár, Veiðifélag Lagarfljóts, Veiðifélag Selfljóts og Veiðifélag Fögruhlíðarár mótmæla harðlega 10.000 tonna framleiðslu á frjóum norskum laxi í opnum sjókvíum í Seyðisfirði.
Úrslit liggja fyrir í jólasmásagnakeppni Menningarstofu Fjarðabyggðar. Dómnefndin var samstíga í mati sínu og sammála um að sögurnar sem skilað var inn væru gríðarlega skemmtilegar og vel skrifaðar, að því er segir á vefsíðu Fjarðabyggðar.
Vonast er til að hægt verði að aflétta rýmingum á Seyðisfirði að einhverju leyti í dag. Veðrið um jólin var kjörið til að kanna stöðugleika í hlíðunum ofan bæjarins í sunnanverðum firðingum. Engin teljandi hreyfing hefur verið á því síðustu daga.
Hreinsunarstarf eftir aurskriðurnar á Seyðisfirði er hafið í þessum skrifuðu orðum. Jens Hilmarsson vettvangsstjóri á Seyðisfirði segir að fjórir hópar muni vinna skipulega að hreinsun bæjarins í allan dag.
Í kvöld leggja af stað þrír hópar björgunarsveitarfólks frá Norðurlandi Eystra til aðstoðar á Seyðisfirði. Björgunarsveitir á Austurlandi sem hafa staðið vaktina frá því fyrir jól fá nú liðsstyrk í þeim verkefnum sem eru fyrirliggjandi.
Tvær byggingar Tækniminjasafns Austurlands eru ónýtar og tvær aðrar mikið skemmdar eftir að stóru aurskriðuna sem féll á utanverðan Seyðisfjörð fyrir tíu dögum. Peningaskápur með ómetanlegum ljósmyndum frá Seyðisfirði fannst óskemmdur á Þorláksmessu.
Björgunarsveitin Ísólfur á Seyðisfirði hvetur landsmenn til að kaupa rafræna flugelda til styrktar sveitinni í ár. Einnig er ætlunin að í stað flugeldasýningar á Seyðisfirði um áramót verði kertum fleytt við Lónið.
Fundi almannavarnanefndar, viðbragðsaðila og Veðurstofu lauk rétt í þessu. Þar kynnti Veðurstofa niðurstöður stöðugleikamats í hlíðum Seyðisfjarðar. Var niðurstaðan sú að aflétta rýmingu að hluta.
Hátt í 20 björgunarsveitarmenn frá Eyjafirði og Skagafirði undirbúa sig undir að fara norður á Seyðisfjörð til aðstoðar við tiltekt og fleira eftir skriðuföllin þar fyrir jól.
Þórunn Egilsdóttir, þingmaður Framsóknarflokksins frá Vopnafirði, er komin í lyfjameðferð vegna brjóstakrabbameins. Hún hefur dvalist á Sjúkrahúsinu á Akureyri yfir jólin.