Hreinsunarstarf hafið á Seyðisfirði
Hreinsunarstarf eftir aurskriðurnar á Seyðisfirði er hafið í þessum skrifuðu orðum. Jens Hilmarsson vettvangsstjóri á Seyðisfirði segir að fjórir hópar muni vinna skipulega að hreinsun bæjarins í allan dag.Eins og fram hefur komið í fréttum hefur borist liðstyrkur frá björgunarsveitum af Norðurlandi eystra, alls 26 manns, en sá liðstyrkur mun í upphafi einbeita sér að verðmætabjörgun úr þeim húsum sem enn standa.
Jens Hilmarsson segir að fyrir utan fólkið sem vinnur að hreinsun bæjarins séu einnig sérfræðingar frá Veðurstofunni við vinnu á Seyðisfirði.
„Þeir munu vinna að rannsóknum sínum og mælingum meðan á hreinsunarstarfinu stendur,“ segir Jens.
Þá bendir Jens á að Vegaferðin sé einnig mætt og ætli sér að ryðja veginn norðanmegin í firðinum þar sem ein aurskriða féll.
„Þeir ætla að ryðja og opna veginn sem liggur að bænum Selstöðum,“ segir Jens.
