Vonir standa til að hægt verði að bólusetja alla Austfirðinga yfir sjötugu við Covid-19 veirunni í næstu viku. Notast verður við AstraZeneca bóluefnið sem nýjar rannsóknir hafa sýnt að gefst vel í eldri aldurshópum.
Gul veðurviðvörun tekur gildi klukkan 21 í kvöld á Austurlandi að Glettingi og stendur hún til hádegis á morgun. Spáð er mikilli snjókomu með skafrenningi og lélegu skyggni.
Fjölskylduráð Múlaþings hvetur foreldra leikskólabarna til þess að gefa börnum sínum tækifæri til að njóta almennrar lengingar orlofsréttar í sumar. Og að nýta sér heimild til aukins gjaldfrjáls sumarleyfis í tengslum við sumarlokun leikskólanna.
Íbúar í Breiðabliki, íbúðum aldraðra í Neskaupstað, hafa áhyggjur af myglu í húsinu. Föndursalur í húsinu var lokaður af eftir að starfsfólk fann fyrir óþægindum þar. Bæjaryfirvöld undirbúa heildarúttekt á húsinu.
Fjarðabyggð hefur gripið til víðtækra lokana í sveitarfélaginu vegna hertra sóttvarnarreglna. Engin kennsla verður í grunn- og tónlistarskólum, sundlaugar og íþróttamannvirki verða lokuð sem og skíðasvæðið í Oddskarði.
Ekki er vitað um önnur Covid-19 smit á Austurlandi en þau sem eru um borð í flutningaskipi í Mjóeyrarhöfn. Hertar sóttvarnareglur taka gildi á miðnætti.
„Vopnfirðingar eru mjög vinsamlegt fólk í umgengni og það var það sem kom mér helst á óvart. Það kom mér líka á óvart hve þetta er fallegur staður,“ segir Louise Chouhan, enskur kokkur og kökugerðarmeistari (conditore), sem sest hefur að á Vopnafirði. Hún vinnur sem stendur í sjoppunni, Öldunni, en hefur tekið að sér að baka kökur fyrir vini sína á staðnum.
Samkvæmt þeim reglum sem mennta- og menningarmálaráðuneytið hefur kynnt í tengslum við hertar sóttvarnaraðgerðir er ekki heimilt að hafa grunnskóla opna og því verða grunnskólar Múlaþings lokaðir þá tvo skóladaga sem eftir eru fram að páskaleyfi. Frístund er einnig lokuð þessa daga.
Ekki hafa greinst fleiri Covid-19 smit um borð í flutningaskipinu Taurus Confidence sem verið hefur í Mjóeyrarhöfn frá því á laugardag. Skipverjar virðast sinna sóttvörnum vel um borð.
Kennari við Menntaskólann á Egilsstöðum segir þörf á aukinni fjölbreytni í tungumálakennslu í framhaldsskólum. Ástæða sé til að skoða málin þar sem færri nemendur velji erlend tungumál en áður.
Skipstjóri flutningaskipsins Taurus Confidence svaraði öllum spurningum um mögulegt Covid-19 smit um borð neitandi í yfirlýsingu sinni til Landhelgisgæslunnar áður en skipið kom til hafnar á Reyðarfirði á laugardag. Umboðsaðili skipsins hérlendis lét hins vegar vita af einkennum.