Spáð er mikilli snjókomu á Austurlandi í nótt
Gul veðurviðvörun tekur gildi klukkan 21 í kvöld á Austurlandi að Glettingi og stendur hún til hádegis á morgun. Spáð er mikilli snjókomu með skafrenningi og lélegu skyggni.
Á vefsíðu Veðurstofunnar segir að spáð sé ...."hvassviðri með vindhraða á bilinu 15 - 20 m/s. Búist er við talsverðri eða mikilli snjókomu með skafrenningi og lélegu skyggni og versnandi akstursskilyrðum. Samgöngutruflanir og lokanir á vegum eru líklegar.
Nokkur óvissa er í spám og ekki ólíklegt að viðvörunin gildi lengur á föstudag, er fólki því bent á að fylgjast með veðurspám.