Viðhorfsbreyting hefur orðið í aðgengismálum á Íslandi undanfarin misseri en enn vantar töluvert upp á. Fyrst og fremst vantar fjármagn til að gengið sé í að bæta úr. Aukinn ferðamannastraumur setur þrýsting á úrbætur.
Hótel Hallormsstaður var opnað til að taka á móti 75 farþegum úr vél Primera-flugfélagsins sem var á Egilsstöðum í nótt vegna veðurs. Skammur tími var til stefnu til að taka á móti fólkinu.
Stjórnandi austfirsks verktakafyrirtækis var nýverið dæmdur í héraðsdómi Austurlands til að greiða tæplega 27 milljóna sekt fyrir að standa ekki skil á virðisaukaskatti og staðgreiðslu opinberra gjalda launamanna.
Óánægðir hótelgestir á Valaskjálf fóru fram á skaðabætur eftir að skemmtanaglaðir Austfirðingar skemmdu nætursvefn þeirra um páskahelgina. Hótelhaldarinn óttast um orðspor hótelsins komi fleiri slík atvik upp.
Enginn slasaðist þegar sjúkrabíll frá Slökkviliði Fjarðabyggðar lenti í fjögurra bíla árekstri í botni Reyðarfjarðar á föstudag. Blint var út af kófi og krapi og hálka var á vegum.
„Listahátíð Fjarðabyggðar verður haldin á tveggja ára fresti, sem og Menningarmessa. Menningar- og, komið verður á fót fræði- og listamannadvöl sem og menningartengdu fræðslustarfi í skólum sveitarfélagsins og vinnuskóla Fjarðabyggðar svo eitthvað sé nefnt,“ segir Dýrunn Pála Skaftadóttir, formaður Menningarnefndar Fjarðabyggðar, en með samþykkt nýrrar menningarstefnu Fjarðabyggðar og væntanlegrar Menningarstofu mun aðkoma sveitarfélagsins að stuðningi við hvers kyns menningarstarfsemi stóreflast.
Tíu umsóknir bárust um starf félagsmálastjóra Fljótsdalshéraðs en umsóknarfrestur rann út fyrir páska.
Bílstjóri flutningsbíls sem brann á veginum yfir Oddsskarð segir bílinn hafa orðið alelda á örskammri stundu. Það hafi verið heppni að hann stöðvaði bílinn til að kanna hvað væri að frekar en halda áfram.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.