Höttur fór með sigur af hólmi í Greifamótinu í körfuknattleik sem haldið var á vegum Þórs á Akureyri um síðustu helgi. Þjálfari liðsins segir jákvætt að vinna mótið en það segi fátt fyrir Íslandsmótið sem hefst eftir rúma viku.
Lið Fjarðabyggðar er tilbúið til að vera meðal þeirra bestu í annarri deild karla í knattspyrnu næsta sumar. Þjálfari liðsins segir leikmennina hafa sýnt miklar framfarir í sumar og brugðist vel við tilsögn. Ekki þurfi að styrkja liðið mikið til að komast á ný upp í fyrstu deild.
Liðsmenn Einherja tóku í dag á móti meistaratitli fjórðu deildar eftir 2-0 sigur á Berserkjum í úrslitaleik deildarinnar á Sauðárkróksvelli. Þjálfari liðsins segir öll markmið sumarsins hafa náðst.
Hreyfivika sem íþróttafélagið Höttur og sveitarfélagið Fljótsdalshérað halda utan um á Héraði í næstu viku hefur hlotið verðlaun sem eitt besta verkefnið í evrópsku „Move Week“ herferðinni. Tekið var eftir samvinnu ólíkra hópa í samfélaginu sem leggjast á eitt til að stuðla að aukinni hreyfingu.
Izudin Daði Dervic, þjálfari Leiknis Fáskrúðsfirði, segir tímabilið hafa verið erfitt hjá hans liði í sumar þar sem hópurinn hafi ekki verið nógu breiður. Eftir frábæra byrjun tóku við meiðsli og bönn þannig að liðið dróst niður í botnbaráttuna.
Egilsstaðabúinn Ólafur Bragi Jónsson varð í dag heimsmeistari í torfæruakstri en keppnin fór fram í Noregi. Hann segir árangurinn hvað mest aðstoðarmönnunum að þakka.
Leikmenn Knattspyrnufélags Fjarðabyggðar fögnuðu deildarmeistaratitlinum í þriðju deild karla í knattspyrnu ákaft á laugardag. Hlut hópsins tók sig til og hrekkti þjálfarann með þvi að pakka bíl hans inn í plast á meðan síðasta leiknum stóð.
Fjarðabyggð fagnaði í dag meistaratitli í þriðju deild karla í knattspyrnu eftir 1-5 sigur á Leikni á Fáskrúðsfirði í lokaumferðinni. Huginn frá Seyðisfirði fékk 45 stig líkt og Fjarðabyggð en var með lakara markahlutfall.
Þegar að flautað var til leiks Hattar og Sindra í dag var ljóst að ekkert minna en sigur myndi duga Hetti til að halda sér á lífi í annarri deild. Fjögur stig voru í næsta lið og fylgdust aðdáendur Hattar með stöðu Ægis og HK sem fór fram á sama tíma en það voru Þorlákshafnarbúar sem voru með tuttugu stig á meðan að Höttur sat í næst neðsta sæti með sextán.