Alelda bíll á Reyðarfirði
Eldur kom upp í bíl á Reyðarfirði í morgun og varð hann fljótlega alelda. Slökkvilið og lögregla voru kölluð á staðinn og hefur eldurinn nú verið slökktur. Engin slys urðu á fólki.Bíllinn var sem staðsettur í miðju íbúðahverfi en veðrið var stillt þannig að aldrei varð hætta á að eldurinn bærist í nærliggjandi hús.
Um er að ræða eldri vinnubíl af gerðinni Citroën Berlingo og talið er að kviknað hafi í út frá bensíni. Allir voru komnir út úr bílnum áður en eldurinn kom upp.
Ljósmyndir: Esther Ösp Gunnarsdóttir og Jón Knútur Ásmundsson.
Hattarmenn tóku á móti Ægi á Vilhjálmsvelli á Egilsstöðum í dag. Leiknum lauk með 0-2 sigri gestanna úr Þorlákshöfn. Röð atvika í síðari hálfleik er þó það sem stendur upp úr að leik loknum. 
Airbnb er vefsíða sem gerir fólki kleift að leigja út íbúðir sínar til ferðamanna í skemmri eða lengri tíma. Síðan nýtur síaukinna vinsælda á meðal Íslendinga sem sjá tækifæri í að leigja húsnæði sitt út tímabundið á meðan þeir fara sjálfir að ferðast eða fjárfesta í íbúðum til þess eins að leigja þær út. 
Lokað verður fyrir heita vatnið á veitusvæði Hitaveitu Egilsstaða og Fella austan Lagarfljóts eftir hádegi í dag og fram á kvöld vegna tengivinnu við stofnlögn.
Á morgun kemur Illugi Gunnarsson, mennta- og menningarmálaráðherra til Austurlands og skrifar undir Þjóðarsáttmála um læsi á Egilsstöðum og í Neskaupstað. Þjóðarsáttmálinn er nýtt verkefni mennta- og menningarmálaráðuneytisins og er markmið þess að öll börn geti við lok grunnskóla lesið sér til gagns.
Atkvæðagreiðslu um kjarasamning AFLs og RSÍ við Alcoa Fjarðaál lauk í gær, þriðjudag, og var hann samþykktur með miklum yfirburðum. Á kjörskrá voru 393 starfsmenn og samþykktu 90% þeirra sem greiddu atkvæði um samninginn, en hann gildir til fimm ára, frá 1. mars 2015 að telja. Alls greiddu 180 starfsmenn atkvæði eða 45,8%.
Erfitt er að meta áhrif innflutningsbanns Rússa á íslenskan fisk á Austurland en sjávarútvegsfyrirtæki á svæðinu hafa átt í miklum viðskiptum við Rússa. Formaður Samtaka fyrirtækja í sjávarútvegi (SFS) segir bannið koma harðar niður á Íslendingum en flestum öðrum þjóðum og ekki sé hlaupið að því að finna aðra markaði.
Stjórn Hattar rekstrarfélags hefur ákveðið að reka Georgi Stefanov frá liðinu í kjölfar niðrandi ummæla sem hann lét falla um markvörð Ægis frá Þorlákshöfn í leik Hattar og Ægis síðastliðinn laugardag. Stefanov kom til Hattar frá Búlgaríu í lok lok júlímánaðar og hafði einungis leikið þrjá leiki fyrir félagið. 
Úrhellisrigning hefur verið undanfarnar klukkustundir á Eskifirði með þeim afleiðingum að vöxtur hljóp í ár og læki. Eskifjarðará bólgnaði upp og vatn flæddi yfir vinnusvæði brúarvinnuflokks VHE.
Karlmaður á sextugsaldri var nýverið dæmdur í fimm mánaða skilorðsbundið fangelsi í héraðsdómi Austurlands fyrir fjárdrátt. Hann seldi bifreið úr landi sem var í eigu fjármögnunarfyrirtækis.
Slökkvilið Fjarðabyggðar notaði tækifærið í gær til æfinga þegar tvö sjóhús við veginn niður Hólmaháls voru brennd þar sem þau voru í línu nýs vegar sem gerður verður að Norðfjarðargöngum. Slökkviliðsstjórinn segir hafa verið gott að fá æfingu við raunverulegar aðstæður.