Búið er að festa kaup á þremur uppblásnum tjöldum sem alls rúma sjö blakvelli fyrir Öldungamótið í blaki sem haldið verður í Neskaupstað í byrjun maí. Öldungurinn segir bæjarbúa hjálpast að við undirbúning mótsins.
Höttur trónir á toppi 1. deildar karla í körfuknattleik eftir góðan 97-80 sigur á Val á Egilsstöðum á föstudagskvöld. Gestirnir áttu engin svör við besta leik Hattarliðsins í vetur.
Meirihluti stjórnar Skíðafélags Fjarðabyggðar (SFF) ákvað á stjórnarfundi á mánudag að skipta félaginu upp og skilja brettadeild þess frá því. Foreldrar brettaiðkenda hafa gagnrýnt ákvörðunina en formaður félagsins segir starfsemina ólíka og telur að félögin verði sterkari sitt í hvoru lagi.
Knattspyrnukonan Heiðdís Sigurjónsdóttir var útnefnd íþróttamaður Hattar á Egilsstöðum á þrettándagleði félagsins í gær. Hafsteinn Jónasson og Elín Sigríður Einarsdóttir fengu starfsmerki fyrir áralangt starf fyrir félagið.
Knattspyrnumaðurinn Stefán Þór Eysteinsson hefur verið útnefndur íþróttamaður ársins hjá Þrótti í Neskaupstað. Fimm deildir félagsins tilnefndu sinn mann í kjörið.
Eva Dögg átti gríðarlega gott ár í glímunni, hún lenti í 1. sæti í flokki kvenna -65 kg og 2. sæti í opnum flokki í Landsflokkaglímu Íslands. Þá sigraði hún í backhold í opnum flokki kvenna á Hálandaleikunum í Skotlandi á árinu og gekk vel með glímulandsliðinu á öðrum mótum. Eva lenti í 2. sæti á Íslandsmótinu eftir harða baráttu um Freyjumenið.
Höttur heldur efsta sætinu í fyrst deild karla í körfuknattleik eftir 80-62 sigur á KFÍ á Egilsstöðum í kvöld. Þjálfari liðsins lýsti frammistöðu liðsins dapurlegri en liðið kastaði yfirburða stöðu frá sér í leiknum.
Blaklið Þróttar unnu síðustu leiki sína fyrir jólafrí en þau mættu KA á Akureyri um helgina. Körfuknattleikslið Hattar er í efsta sæti fyrstu deildar karla.