Á fimmta tug sjálfboðaliða kom að því að moka snjó af gervigrasvellinum í Neskaupstað í gær. Í kvöld stendur til að reyna að tjalda þar risatjöldum sem hýsa munu alls sjö keppnisvelli á Öldungamótinu í blaki sem hefst þar á fimmtudag.
Mótsstjórn öldungamótsins í blaki ætlar að gera tilraun til að tjalda keppnistjöldunum á íþróttavellinum í Neskaupstað á morgun. Mótið hefst á fimmtudagsmorgun.
Síðasta helgi var gjöful fyrir Evu Dögg Jóhannsdóttur, glímukonu frá Reyðarfirði. Hún hlaut Freyjumenið þegar hún sigraði í Íslandsglímunni á heimavelli og var útnefndur íþróttamaður UÍA fyrir árið 2014.
Austfirsku liðin hafa lokið þátttöku sinni í Lengjubikarnum þetta vorið en engu þeirra tókst að komast í úrslitakeppnina. Framundan er bikarkeppnin og svo Íslandsmótið.
Einn besti knattspyrnudómari Íslandssögunnar, Kristinn Jakobsson, kennir á héraðsdómaranámskeiði sem haldið verður á Egilsstöðum á sunnudag. Námskeiðið er liður í undirbúningi fyrir komandi knattspyrnusumar.
Reyðfirðingurinn Sindri Freyr Jónsson varð um síðustu helgi fyrsti Austfirðingurinn til að hljóta sæmdarheitið glímukóngur Íslands þegar hann sigraði í Íslandsglímunni sem haldin var á Reyðarfirði. Hann fékk góðan stuðning síns heimafólks þrátt fyrir að hafa skipt yfir í KR fyrir keppnistímabilið.
Fimmtudaginn 19.mars síðastliðin voru veittar viðurkenningar á vegum Ungmennafélags Neista. Voru veittar fimm viðurkenningar til metnaðarfullra og duglegra ungmenna. 
Glímufólk safnaðist saman á Reyðarfirði síðasta laugardag þar sem fram fór Íslandsglíman, Grunnskólamót Glímusambandsins, Sveitaglíma Íslands og hóf þar sem slétt 50 ár voru liðin frá stofnun sambandsins.
Afturelding tryggði sér í gærkvöldi sæti í úrslitum Íslandsmóts kvenna í blaki eftir 3-0 sigur á Þrótti í Neskaupstað. Þjálfari ársins og efnilegasti leikmaður vetrarins komu báðir úr Þróttarliðinu.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.