Áhersla á að varna foki
Byrjað er að tryggja vettvang á skriðusvæðinu á Seyðisfirði. Farið var inn á svæði Tækniminjasafns Austurlands í dag til að tryggja að brak þaðan valdi frekari skaða í firðinum.
Efstu húsin í rýmingu til 27. desember
Greining gagna og mat á stöðugleika á rýmingarsvæði hefur staðið yfir og er metið reglulega. Aðstæður hafa farið hratt batnandi eftir að rigningu slotaði og kólnaði í veðri. Hinsvegar er gert ráð fyrir að hlýni að nýju í skamman tíma á aðfanga- og jóladag. Því munu hús sem efst eru í byggðinni í jaðri rýmingarsvæðis haldast óbreytt í rýmingu til 27. desember að minnsta kosti.
Hætta á rafmagnstruflunum á Seyðisfirði á morgun
Hætta er á rafmagnstruflunum á Seyðisfirði á morgun meðan ísing verður hreinsuð af raflínum á Fjarðarheiði. Ágætlega hefur gengið að koma rafmagni á bæinn eftir að stór skriða féll á utanverðan kaupstaðinn á föstudag. Nokkur hús eru þó enn án rafmagns.
„Er sannfærður um ég hafi ekki hótað forsætisráðherra líkamsmeiðingum“
Íbúi á Seyðisfirði, sem lögregla hafði afskipti af í dag vegna meintrar hótunar í garð forsætisráðherra, kveðst sannfærður um að hann hafi hvorki hótað ráðherranum lífláti né líkamsmeiðingum. Hann segist í áfalli eftir atburði síðustu daga og telur íslensk stjórnvöld ekki hafa staðið sig nógu vel í að tryggja öryggi Seyðfirðinga.
SMS frá þeim sem áreitti forsætisráðherra
Austurfrétt hafa borist tvö SMS skeyti frá þeim einstaklingi sem er nú í haldi lögreglunnar vegna að því er virðist áreitis í garð Katrínar Jakobsdóttur forsætisráðherra.
Ráðherrarnir vildu vita hvernig fólki liði
Á fundi fjögurra ráðherra með þeim Birni Ingimarssyni sveitarstjóra Múlaþings og Gauta Jóhannessyni forseta sveitarstjórnar var farið yfir stöðu mála og spurningum ráðherra svarað. Spurningarnar voru meðal annars um líðan Seyðfirðinga á þessari stundu.
Reyna að svara fyrirspurnum um tryggingar eins fljótt og kostur er
Starfsmenn Náttúruhamfaratryggingar Íslands (NTÍ) verða til viðtals austur á Seyðisfirði á morgun fyrir eigendur fasteigna sem orðið hafa fyrir tjóni í skriðuföllum þar síðustu viku. Forstjóri stofnunarinnar segir að reynt verði að leysa úr málunum eins fljótt og kostur er. Það veltur þó að hluta á hve hratt gengur að vinna nýtt hættumat og skipulag fyrir svæðið.
Skoðar hvort hægt sé að flýta Fjarðarheiðargöngum
Sigurður Ingi Jóhannsson, samgöngu- og sveitarstjórnarráðherra, segist vilja skoða hvort hægt sé að flýta Fjarðarheiðargöngum, sem öðrum framkvæmdum sem þurfi til að tryggja öryggi Seyðfirðinga.
Forsætisráðherra situr í matsalnum og virðist róleg
„Katrín Jakobsdóttir situr hérna í matsalnum og virðist mjög róleg,“ segir Gunnar Gunnarsson ritstjóri sem er staddur á Seyðisfirði. „Hún er að ræða við sessunauta sína.“
„Dáist að biðlund Seyðfirðinga“
Íbúar húsa, sem enn eru á hættusvæði á Seyðisfirði, fengu í dag sumir að vitja húsa sinna og sækja nauðsynjar í þau, í fylgd björgunarsveita. Vettvangsstjóri segir það verk tafsamt en Seyðfirðinga vera þolinmóða.
