Uppfært: Hringvegurinn opinn aftur eftir umferðarslys á Jökuldalsheiði
Fréttir • This email address is being protected from spambots. You need JavaScript enabled to view it. • Fyrst birt 05. okt 2025 20:52 • Uppfært 05. okt 2025 22:33
Búið er að opna Hringveginn um Háreksstaðaleið á ný eftir að honum var lokað tímabundið í kvöld vegna umferðarslyss.
Samkvæmt upplýsingum frá lögreglu slösuðust nokkrir einstaklingar í atvikinu. Ekki hefur verið gefið upp hversu alvarleg meiðslin eru né heldur hver tildrög slyssins voru.
Lögregla er enn að störfum á vettvangi þótt vegurinn hafi verið opnaður. Frekari upplýsingar verða ekki veittar fyrr en í fyrramálið.
Slysið varð á Jökudalsheiði, nærri fornbýlinu Hlíðarenda um klukkan 19:30.
